2-3人普通批餐 ( $168 ) 外賣自取有8折 只係 $134.4 好抵囉 因為就咁食呢個錦繡至尊批都要 $132 呀 我地要薄批 因為厚批太太太飽肚喇
肉醬意粉 - 得 2/3 盒咋
田園沙律
整咗 15 隻 好似仲剩 8 隻 下次再食埋去就清哂喇 yeah ~~~~
( 7-AUG-2015 FRI )
丫 起身好頭暈 要坐一陣先可以去沖涼 唔知係咪尋晚瞓得唔好呢 ~
今朝超級熱呀 台灣打風 仲要係經過果隻都影響到香港咁焗熱 今日話最高氣溫係 35 度 真係熱過越南 ~
食食下早餐 聽到餐廳 d 人同個客對話好好笑 佢地講開中年發福 個男人話未結婚之前 好似道友咁瘦 咁生完仔之後就好似打針咁 谷肥哂 我真係忍唔住笑咗出黎 講到佢自己生仔咁 之後佢話佢老婆坐月 佢又變咗坐月 佢老婆飲湯 佢就日日食湯渣唔想嘥嘢 ~
菇場唔太忙 但個人暈暈地 所以都係抖下好 d ~
食完 lunch box 就出去行下 買咗青提子 一包要 $43 好貴囉 仲諗住 $30 添 之後去買 Secret Garden 嘅畫薄同顏色筆 total $66 應該抵啩 ~
呢排飽飽滯滯 所以頂唔順買呢隻酸糖食呢
放工即走 lu 去影藝買完戲飛 又要幫家姐去藥房買香必飄 refill 不過無貨 咁順便去埋價真棧買乳酪啦 再去埋 Pizza Hut 問外賣自取駛唔駛特登拎電話落黎儲分 佢地話要 嗚 即係一陣又要我行多轉啦 ~
里奧大人 7 點半番到屋企 咁坐多 15 分鐘就陪我落去 Pizza Hut 依家 d 食店好煩 下下要 download 佢地嘅 apps 先做到 member 大佬 唔係個個人手機都可以上網家嘛 同埋 Pizza Hut 個 apps 超級麻煩 我上次整咗成個鐘呀 又 download 又剷都搞唔掂 按登入都按唔鬼到 所以放棄 咁今晚去到先再入去佢地 apps 無啦啦又話唔得 又要出出入入 個 staff 之後都係按幾次先入得登入 佢都覺得唔好意思呀 ~
外賣自取都快喎 20 分鐘搞掂 我地 8 點 20 分番到屋企 家姐無耐就到喇 ~
問媽咪情況點啦 佢話依家聞 1 度氣 咁好喎 減咗 1 度 又話媽咪今晚自己食嘢 最搞嘢係等埋家姐先食盒干炒牛河 丫 工人 5 點半已經買咗 家姐 7 點先到 凍哂唔好食嘛 媽咪又叫家姐唔好走住 話佢係合埋眼唔係瞓 今晚媽咪好聽話喎 我最開心呢 之後問家姐 媽咪有無問我黎唔黎 家姐話有呀 問阿妹呢 ?! 不過家姐話阿妹攰 叫佢唔好黎 哈哈 佢無話比媽咪知 我因為激氣唔黎呀 ~
食完抖陣 再同家姐食薯片 差唔多 10 點就走喇 我送佢搭車 里奧大人就去徑步 我今晚唔徑喇 今日持續都有 d 頭暈 我唔想死住 哈哈 ~
同家姐等等下車 佢同我講話個女仔係咪 cc 我一望原來真係 cc 呀 不過我叫完 cc 之後 佢地要上車啦 講多句都唔得 lu ~
最搞笑係家姐講番比我知 cc 去德福食飯 諗住搭 13D 咁啱其實家姐又想搭 13D 不過我叫佢去德福站搭其他巴士啦 我陪佢嘛 咁 cc 就係見到德福站多人等巴士 所以就等啦 佢好彩啦 等咗 5 分鐘 我同家姐去到巴士站係一個人都無架 不過我地掛住傾 都唔知等咗幾耐 不過一定有 10 分鐘呢 ~
其實見到 Blog 友買咗 所以我又買黎畫下 不過佢話畫咗幾條毛已經放棄 哈哈 但我會畫哂成本為止 里奧大人同家姐話我一定唔會畫哂全本喎 太睇小我吧 我就畫哂比妳地睇 比 d 時間我就得架喇 呵
里奧大人仲衰 話我一嘢求其畫花成頁 就當畫完 駛唔駛咁講嘢呀 @@
我真係 N 年無用呢 d 木顏色筆 但我覺得一畫就"啜"住"啜"住咁 又唔太上色 總之畫起上黎好唔順手啦 所以同里奧大人講聽日去大眾買番 pack 似樣嘅木顏色筆 仲要買番個鉛筆刨添喎 佢話依家一闊三大 唔畫哂就知死 嘩哈哈哈哈
番到屋企即沖涼喇 再睇多陣電視 11 點半瞓 lu ~
D纸太滑咯!所以,一画一畫就"啜"住"啜"咯·像你一畫就"啜"住"啜"~阿奥一样!娃哈哈!
回覆刪除嘩哈哈哈哈 妳係咪啜到痴咗呀 ~~~~
回覆刪除哇哈哈,👄你就话jie....
回覆刪除妳都可以 哈哈 ~~~~
刪除