元氣壽司 @ 九龍灣 ( 10-AUG-2015 )

帆立貝裙邊

軟殼蟹手卷

三文魚壽司 / 炸蝦卷 

三文魚子軍艦 

飛魚子軍艦

左口魚裙邊壽司 / 羅韌香草赤海蝦壽司
三文魚腩壽司 / 蒲燒鰻魚壽司 / 油甘魚壽司

( 10-AUG-2015  MON )

今朝真係唔願起身   隻左眼又刺刺痛喎   最驚係咁    一陣 d 人以為我放電   哈哈 ( 嘔 ) ~ 

其實個人真係無心機   叫完餐蛋治又唔想食   不過又唔留得   因為凍餐蛋治係好難食呢 ~ 

做埋 report 又忙下停下   11 點 45 分家姐 whatsapp 我知話媽咪出院   果下我有 d 驚   所以即打比佢啦   佢話姑娘話媽咪情況其實唔係咁差   唔駛洗腎呀   只要好好保護個腎就得呢   yeah   勁開心呀我   真的感謝主醫治   垂聽我地急切禱告   感謝牧師   感謝里奧大人屋企人   感謝工人   感謝所有為媽咪祈禱嘅人呀 ~

家姐講番頭先姑娘打比佢   問佢係咪尋晚星期日探媽咪嘅女   家姐話唔係呀   係前晚探嘅女    我覺得好搞笑   因為姑娘尋晚問我係咪星期六探嘅女   我話唔係   好似玩嘢咁   哈哈   之後佢同家姐講話 "尋晚同咗妳阿哥家細佬   umm   總知係妳 d 兄弟姊妹啦 "   家姐聽到姑娘形容里奧大人係阿哥定細佬好想笑出來   哈哈   里奧大哥 ~~~~

Lunch time 其實未餓   不過同事買咗車仔麵番黎   香鬼到呢   聞咗 10 分鐘   終於開始覺得有 d 餓   食咗小小 K + 乳酪   過下口癮咁囉 ~  

~ 阿姐整爛我隻杯   都唔明點解可以咁樣撞爛囉   嗚嗚

上網睇報紙見到   所以即 send 比里奧大人同家姐睇   唔好睇小呢本 Secret Garden 呀   哈哈   

菇場唔忙   不過今日又攰   所以 hea 到放工   爽 ~

放工去媽咪屋企睇下佢   咁佢話食西炒飯   我話食呢 d ?!   佢話叫我話事   咁我話算啦   今晚放監   比妳食啦   不過之後唔好喇   但其實佢食得幾啖   因為好攰   頭先等拎藥   等咗 2 個鐘頭呢 ~   

咁家姐差唔多 7 點幾先番到黎   里奧大人又咁啱打黎話放工   不過叫佢番屋企先   因為我要同家姐一齊分藥呀   分哂之後我一定會 double check 嘅   估唔到今次真係分錯咗   因為有一種甲狀腺藥係單日 50mg   雙日 100mg 咁   如果放錯就比較煩   所以唔敢分   叫工人聽朝問復康姑娘呢 ~

咁家姐話分錯唔駛驚   點知工人勁大反應話 "妳地分錯   但我比 grandma 食嘛   一陣比錯   妳地會鬧我點解比錯架 ?!"   嘩哈哈哈哈   笑死我地呀   衰嘢咁鬼醒嘅   之後我話我地點會賴妳喎   佢又即刻話唔好意思呀咁樣講   好搞笑 ~

搞掂哂都 8 點半   係時候走喇   家姐問多句   媽咪又發脾氣   不過我無鬧媽咪呀   但同家姐講話佢今日都攰   算數啦   比着以前我一定鬧完先走   依家盡量唔鬧   但就唔可以太過份   否則我都會出聲   因為有 d 嘢唔係奉旨   妳唔珍惜係妳自己損失呢 ~

叫里奧大人去元氣攞位   好感恩有卡位   可以坐得舒服 d 呢 ~    

食完之後   里奧大人就去徑步   我就同家姐去 OK 食免費乳酪   真係勁難食   口感都唔知點   哈哈   送埋家姐搭巴士就番屋企喇   沖完涼就抖陣   里奧大人就番黎喇 ~

今晚同加拿大嘅堂妹 whatsapp   佢打下中文   我又打下英文   所以佢慢我就更慢   嘩哈哈   最後忍唔住問可唔可以用 voice message   佢即刻話 Easier than writing Chinese   哈   佢好乖架   成日會記住我呢個姐姐   到咁上下就會喺 FB says hello   同埋一定會講 miss u so much   又同時會 miss 里奧大人又 miss 媽咪   所以依家有 whatsapp 就更方便   但其實之前一早想問佢   不過成日又唔記得   估唔到佢前幾日問我有無 whatsapp   咁即 add 佢啦   哈 ~

11點半喇   唔知係咪飲咗綠茶關係   唔係咁眼瞓   但其實係攰架喎   但點都要瞓啦 ~