招牌琵琶鴨宴 (美食純玩 2 天團) @ 東莞 Day 1 (PART 1/2) ( 22-AUG-2015 )

( 22-AUG-2015  SAT - PART 1/2 )

今朝 6 點 15 分起身喇   沖埋涼搞掂哂   6 點 45 分可以出門口喇 ~

等 lift 先記得同里奧大人講聲生日快樂   哈哈   真係咩表示都無   仲比佢話佢生日仲要送嘢比我添   是但啦   我開心即係你開心之嘛   係咪先 ~~~~

7 點 10 分已到九龍塘 lu   去羅湖多數坐頭等   因為有得坐   我呢啲肥人一定要坐架   哈

2 個背囊 + 1 個斜揹大袋

一到羅湖站   車門一開   里奧大人就衝出去   咁我又衝啦   仲問佢做乜又要衝嘅   係咪趕住過關 ?!   佢話唔係呀   而係後面好多人會衝出黎   唔行快 d 會阻住人喎   真係人都顛 @@

去到關口都只係 8 點 15 分   所以去三島食早餐喇   其實尋晚已經買定麵包做早餐   不過無諗過咁早到羅湖囉 ~

一入到去   真係 9 成係香港人   因為個個都參加啲短線廣東遊呢 ~

我嘅沙爹牛肉公仔麵    本來食三文治架   不過侍應話三文治等得耐過麵   所以先食麵囉

里奧大人嘅餐蛋麵

@ 三島小廚

深圳關口   即係口岸茶餐廳門前廣場

人頭湧湧   全部人都係參加啲美食之旅團   達美旅遊就最多人參加   因為見到有一列固定位置嘅牌呢

9 點集合   我地 8 點 50 分去報到喇   不過有團友遲到   所以 9 點 15 分先出發 ~

我地係 30 號旗

                   

一定唔會貼   哈哈

我地係第一個到   所以坐第 2 行   因為我見到第 2 個到就坐我地隔離呢

喺呢個位置搭旅遊巴

今團有 33 人   所以 11 人一張枱   無諗過咁多人   不過是鬼但啦   去得一日   多人小人都無問題   最緊要佢地鍾意影相   咁我就可以影食嘢啲相嘛   哈哈 ~

9:17am 開車

其實我未睇過喜羊羊呢套卡通片

仲諗住喺車度瞓啦   點知 10 點唔夠就落車去 "荷蘭花卉風車小鎮"   "大" 到呢   唔駛 10 分鐘都可以行哂 ~

9:52am 已經到 "荷蘭花卉風車小鎮" 喇

@ 荷蘭花卉風車小鎮 ( 觀賞歐洲風格的小鎮，風車、鬱金香等荷蘭風情，仿佛置身於浪漫地中海海灣花香小鎮之中 <-- 行程係咁樣介紹 )

                    

開始行喇

仲未起好嘅 Building

有幾個人帶咗重裝備黎影相

入去唔知邊呀   因為出面太熱   要過冷河呀

全部都係假花來嘅 @@

我覺得擺假花真係無咩意思

里奧大人唔明點解我成日可以交叉腳咁樣企   但我真係一企就會咁囉   應該係長短腳啩

花與生活

我影緊風箏   哈哈

咁周圍影啦   有幾個大陸後生仔女好開心一齊自拍   有個女仔行埋我度   我即行開啦   因為以為阻住佢嘛   點知佢跟住我   同我講話同我一齊自拍   我笑住擰頭啦   之後又講   我繼續擰啦   咁里奧大人行開咗影相嘛   佢見到有人同我講嘢   佢即刻埋黎啦   個女仔同里奧大人講話叫我一齊自拍   開心 d 喎   咁里奧大人話唔駛喇   之後拖住我走 ~

我同里奧大人講   我初初以為我聽錯話同我自拍   原來真係想一齊自拍   但我一定唔會啦   大佬   三五識七一定唔會影囉 ~

行去另一邊睇下

                    

里奧大人有嘢做喇

佢地見到 d 相好開心架   好搞笑

嗡嗡嗡   小蜜蜂 飛到花叢中

行完喇   都只係 10 點 15 分

好多人喺呢間 Cafe 門前影相

好多龍友

兒童不宜 ?!   我真係唔好再用 touch screen 嘅 function 喇   哈哈



幫里奧大人帶個風車轉頭飾先

鬱金香街

真係鐵都可以扯斷 @@

又見到佢喇

                     

我覺得呢隻紫色好靚呀

我同里奧大人講話係 "永" 金錢

行下影下   之後個頭開始作痛啦   嗚嗚嗚嗚   可能曬得滯 ~

里奧大人最驚我仲暑   我話應該唔係   可能唔夠瞓又曬   所以作頭痛呢 ~

諗住去飲咖啡   點知好多都未開   咁唯有買支 "尖叫"   坐露天位飲啦   好在有太陽檔   咁就唔係好熱   同埋最緊要有得坐   抖下都好啦 ~

咖哩魚蛋好似好好味咁   不過唔餓   所以唔買黎食 lu

坐低抖下   真係舒服好多呢

我覺得呢度真係無咩嘢好睇   同埋時間尚早   好多 Cafe 都無開   唔係飲下嘢都好

夠鐘集合喇

有人影婚紗相   里奧大人話唔見有新娘   我話瞓咗喺草地果個咪新娘囉   成大片白色喺草地都見唔到   哈哈

好嘢   準備走人

11 點就開車喇   開車無耐都瞓咗 lu   之後醒下見塞車   我又再瞓   瞓到落車   超爽呀 ~

呢期好鍾意電纜

11 點半喇   估唔到中途有 d 塞車   不過唔緊要   因為我都想繼續瞓   哈哈

12 點半就到食店喇   今日食 "農莊明爐燒雞宴"

冬瓜燉湯   飲咗兩啖   因為諗起賓尼兔話啜豬骨單嘢   即刻唔敢再飲

RMB8/罐

節瓜粉絲煲   清清地唔錯

燒雞好味   但如果有 d 汁蘸下仲好呢

唔知咩豆腐   我無食呀

炒粒粒都好食呀   因為我鍾意食沙葛   花生又脆卜卜   我覺得好似食緊潮州粉果 d 餡咁   里奧大人仲衰   話沙葛係馬蹄   好在我對食物無敏感   唔係就大鑊了

蒸蝦丸 ?!   幾好味

蒸魚   無食呀

韭菜炒蛋   ok 啦

叉燒都幾好味   因為熱辣辣

小棠菜   無食呀   我唔鍾意佢 d 味道

團友話係蒸冬瓜片   不過我都無食   賣相唔掂呀   哈

大盤白飯任裝   我聽到另一團嘅領隊話要再黎一盤   間食店咁焗熱都食到咁多飯   真係好勁



重頭戲就係去 " 石斛花海農莊 ( 參觀培植基地觀賞田園風光 ) "
我無心機影嘛   叫里奧大人影啦   佢話影咗   我 load 相嘅時候   心諗佢做咩成日影呢個阿伯呢   又唔係團友   之後先知原來阿伯都係去緊 "石斛花海農莊 "

入去參觀喇

嘩   好大片田園呀 @@

                   

室溫要長期保持 21 度   所以呢度係凍過食店   哈哈

我初初以為係虫呀

完全無聽佢講 d 咩

點諗都諗唔到   呢度就係 " 石斛花海農莊 " 呀呢

行番出去 lu   無啦啦有支燈吊住   好危險啦

                     

食店出面

我同里奧大人講話呢 d 係菊花   哈哈

光脫脫樹枝

呢架電單車坐位好似幾舒服咁



入番去食店喇 

無哂人 lu

石斛制品   我見到有一盒石斛係要 RMB2,800   團友話如果真係咁貴   就唔會擺喺枱面任妳地睇啦   佢又講得幾啱噃

上車喇



呢日未完架