菜粒雜丸炒飯 + 燻蹄 ( 外賣 ) + 菜心 ( 17-AUG-2015 )

( 17-AUG-2015  MON )

今朝都幾熱   但最開心係見到有陽光   真係醒神好多架 ~

早餐食熱狗   如果個包烘下就更好啦 ~

菇場做埋 report 就可以抖下   又做下自己嘢   好快就 lunch time 呢 ~

去一田幫家姐買咖啡奶   自己又買咗支茄醬   因為有九五折   哈哈   之後就即去買酸辣米線番菇場食喇   好趕呢 ~

$42.5 折咗之後就 $40.3   我之前喺越南都買咗咖啡粉   所以最後要同家姐 share        

$12.9   折咗之後就 $12.2

豬軟骨酸辣米線 ( 小辣 )   但今次好辣 @@

放工直接番屋企   浸埋菜就開機洗衫再抖陣   差唔多 6 點 45 分就煮嘢先喇 ~

里奧大人 7 點 15 分打黎話啱啱開完會   所以無咁快番黎   叫我食先   家姐又啱啱上到黎   所以我成日同家姐講   佢同里奧大人真係好多時都係同一時間搵我   邪到爆 ~ 

家姐好搞笑   無啦啦問我做咩有個麵包放喺枱   遠望又真係幾似嘅   哈哈哈哈

家姐特登上黎比 2 個桃比我架   之後坐陣佢都要番屋企食飯喇   佢經過廚房   把聲好驚話點解 d 飯跌哂出黎架 ?!   之後我即入廚房睇啦   我以為頭先跌咗落地下唔知嘛   點知原來係爐頭附近有 d 飯   我話跌果十粒八粒好出奇咩   妳試下炒丫   睇妳跌唔跌出黎 ?!?!?!   哈哈 ~

家姐話依家 $30/個抵喎   之前佢買開係 $110/2個   所以佢又買埋比我同媽咪食呢 

我又請番佢食曲奇餅   嘩哈哈   得意就得意   不過唔好食嘅 @@

送埋佢搭 lift   我都開餐喇   里奧大人 8 點放工   咁我等埋佢先一齊徑步 ~

是日懶餐 - 菜粒雜丸炒飯 + 燻蹄 ( 外賣 ) + 菜心  

菜粒雜丸炒飯 - 聽日帶 lunch box   所以就加埋 d 龍蝦丸同花枝丸一齊炒   咁可以當係餸架喇 ~

燻蹄 ( 外賣 ) - 勁想食   所以就買喇 ~

菜心 - 尋晚食剩 1 斤   今晚一定要食埋佢 lu ~  

咁我入廚房洗碗   佢明明入咗書房坐低整嘢   之後我洗完碗出廳   經過梳化見到嚿大黑嘢   嚇到我叫咗出來呀   原來佢想喺梳化度眠一眠 ~

抖到 9 點半就去徑步   今晚有 d 攰   所以徑 20 分鐘就番屋企喇 ~

沖埋涼   食埋生果   11 點幾瞓喇 ~