大快活 @ 九龍灣 ( 19-JAN-2016 )

今次個煲仔飯就熱辣辣喇   最緊要有飯焦   哈哈

( 19-JAN-2016  TUE )

好鬼凍呀   但好開心喎   可以着下啲厚褸嘛   因為唔知再有無機會着   哈哈 ~

早餐食茄蛋治   都幾好味   不過一定要快食   唔係一陣啲麵包索哂啲蕃茄汁   啲麵包濕立立咁   我唔鍾意咁呢 ~

菇場忙下停下   但喉嚨唔多舒服   所以好似好攰咁囉 ~

Lunch Time 出去買車仔麵   咁啱阿齋又話食   咁我幫佢買埋啦   但今日超多人外賣呀   差唔多 1 點先番到菇場   食得勁趕呢 ~

又忙下停下   放工就去探媽咪 lu ~

一見到碗榨菜肉絲米同熱檸茶就激氣   話今次聽我哋講話食米粉喎   所以我咪話佢只係聽啲啱聽嘅嘢   即係之前食魚蛋麵要改為魚蛋米   但係唔代表食米粉係健康   因為榨菜呢啲醃制嘢好鬼鹹家嘛   佢又食剩一大半   嘥鬼哂   首先街外嘢對身體唔好   又食唔哂又嘥錢   咁點解仲要食呢 ?!   檸茶咁濃又晚晚飲   真係黐鬼線   我已經唔舒服   所以我話完佢我都無理佢   我坐喺度瞓   真係瞓着咗 ~

家姐 7 點左右嚟到   咁陪下佢啦   唔係我想走   我覺得喺度真係無意思 ~

臨走家姐問媽咪食咩   我其實想鬧佢   前晚妳先叫工人唔好買嘢比媽咪   依家又問媽咪食咩 ?!    頭先我問工人點解仲買嘢比媽咪食   佢皺眉話媽咪話要喎   點知家姐問媽咪食咩   個工人又叫媽咪講食咩啦   家姐話係咪驚呀妹喺度唔敢講   我好大聲話嘥 Q 氣啦   我死咗佢都唔驚啦   仲開心添   無人話佢   成班都係低能白痴   用下個腦啦   以為咁就錫佢呀 ?!   推佢落懸崖咋   明知對身體唔好都話買嘢比佢食   低能白痴無得救 ~

平時工人攰我都叫佢休息   今晚我完全唔鬼理佢呀   之後都唔會問   成班都係黐架   佢可能覺得我對媽咪衰   咩都唔比佢食   I DON'T CARE   我問心無愧 ~

今晚邪啦   10 分鐘嚟兩架 13X   平時 28B 係跟住 13X 家嘛   咁頭先家姐幫我上網 Check   一入 28B 又無 Show 時間喎   所以我話如果第 3 架係 13X 就上喇   好在 5 分鐘之後有架 28B 咋   因為車站好鬼大風   又餓喎   好想快啲食嘢呀 ~

里奧大人喺屋企等我   我話想食臘腸煲仔飯   叫佢快啲去大快活買定等得呀   哈哈   我次次太耐無食飯就想食飯㗎喇   所以里奧大人好奇怪點解我話會飯   哈哈 ~

衰里奧大人無啦啦話我係環珠格格啲 Frd   賤賤格格喎   我話你都係環珠格格啲 Frd 啦   佢問點解 ?!   衰衰格格呀   咁都唔知   之後佢大笑呀   我話諗衰嘢你唔夠我快啦   哈哈 ~

食完番屋企抖陣就沖涼喇   之後又睇 "無心法師"   但好鬼攰   11 點唔夠就瞓喇 ~