吉豚屋吉列豬扒專門店 @ 九龍灣 ( 9-JAN-2016 )

豚肉山泡菜鍋定食 

吉列豬柳泡菜湯烏冬鍋

( 9-JAN-2016  SAT )

今朝 6 點 47 分電話響   咁里奧大人聽電話   之後我聽到對方叫我名   咁我都知係平安鐘打嚟通知話媽咪又入院   我聽完電話都瞓番 lu   不過其實都瞓得唔好囉 ~

7 點 50 分起身   8 點半就去到餐廳   都可以慢慢食呢 ~ 

菇場忙呀   不過做咗個幾鐘就搞掂   又可以做下私人嘢 lu   呵呵 ~

放工番屋企   差唔多 2 點就去食 Lunch 喇 ~

食完行陣就番屋企抖下   6 點出門口探媽咪 ~

見到媽咪精神唔錯喎   感恩感恩   我同媽咪講囉   今次醒喇   一有事就要入院   唔好拖到最辛苦先入院   咁真係差好遠㗎 ~   

工人話媽咪今朝心跳 13x   同埋塊臉好黃好腫   所以問媽咪入唔入院   媽咪話入   我見到媽咪只係種豆同聞氣   平時有好多嘢喺身邊㗎   同埋邊樹咁有精神呀   哈哈   真係好感恩呢 ~

家姐 7 點幾先到   因為佢之前已經 Book 咗同狗仔去打針   咁婆婆又係好麻鬼煩   今日打咗兩次比我   三次比家姐問媽咪點   大佬呀   都未去到醫院   鬼知點咩   我知妳關心媽咪   我好感激   但妳咪成日打嚟啦   家姐聽唔到就即打比我   我聽唔到就即打比家姐   家姐話媽咪入咗院   佢又即打嚟   家姐都話同佢講咗啦   唔知搵我做咩 ~

咁婆婆 6 點半又打比家姐   家姐同佢講話同狗仔打針   未探得媽咪   婆婆就話做咩唔探媽咪 ?!   家姐又再講多次唔係唔探   係一陣先探   婆婆仍繼續話佢做咩唔探媽咪 ?!   家姐發火啦   話佢唔知媽咪今日會入院   同埋一早已經 Book 咗同狗仔打針   一陣會探媽咪 ~

之後婆婆 6 點 40 分打比我   問媽咪點   我話無咩事   唔駛擔心   佢話咁就好喇   咁探完媽咪唔駛再打比佢   佢瞓覺 ~

我同番家姐講啦   佢話婆婆可能嬲咗佢   我話是鬼但啦   一日打幾十次電話嚟問點點點   真係聽佢電話算好比面啦   知就話答到妳啫   唔知又點答妳呀 ?!   問乜鬼喎   咁 7 點幾婆婆居然又打比家姐   問媽咪點 ?!   救命呀   頭先咪答咗無嘢囉   如果佢知道埋里奧大人電話   我好好好肯定佢都會打埋比里奧大人   因為婆婆有時真係黐鬼線   我同家姐一齊探媽咪   佢打完比家姐再打比我   之後話想聽我哋講嘅嘢係咪一樣   我真係想講話係咪神經病呀 ~

不過講到底   媽咪又係煩   成日唔開電話   所以點解對住佢哋會咁火滾係有原因囉 ~

坐到 8 點都走喇   我勁想食熱嘢   所以又去吉豚屋喇   今次要等位   等咗 10 分鐘左右就有位呢 ~

超級勁飽   所以一定要行陣先番屋企 ~

沖埋涼就抖喇   Line 到差唔多 12 點都瞓喇   聽朝要好早起身呢 ~