元荃古道 + 金坊泰國美食 @ 荃灣 (PART 3/3) ( 1-JAN-2016 )

( PART 3/3 )

已經 4 點喇   要加快腳步先 ~

估唔到有紅葉睇喎

外型好靚 

半紅半綠了  

勁 

呢塊紅葉好有生命力   成棵樹只係剩番呢塊樹葉咋 

經過喜香農莊  

唔知咩來

好多人喺度食嘢飲嘢   不過我無咩興趣   因為都係食即食麵   三文治呢啲嘢食   

荷花池

菜田 

再經過埋呢個細荷花池就直踩去深井喇  

見到深井呢兩個字   真係開心到想喊   哈哈  
  

不過睇嚟都係有排行囉  

睇到呢個超迷你荷花池   應該差唔多到地面喇啩    

仲有啲紅葉睇下   哈哈  

打風咁嘅樹  

見到啲人仲係細細粒

狗仔腳印好得意  

繼續行呀行  

間唔中就有飛機經過

仲有唔小人跑步 

環保欄杆   哈哈

應該就嚟落到山喇啩  

我以為係符  

落樓梯   

日落了  

見到好多鐵皮屋   即係到地面喇   勁開心呢   

突破諗起阿寶   你生活得好嗎 ?! 

經過呢度   聞到好香 BBQ 味呢  

最鍾意黃色

5 點落到地面   行下抖下   用咗 4 個半鐘先完成   上網話只係 3 個鐘就完成㗎喇

睇見都嘈 

到深井應該係要食燒鵝   不過太早又食唔落   我濕疹又爛臉   唔係咁想食啲毒嘢   所以都係坐小巴落荃灣   5 點 20 分有車   估唔到 5 點半就到荃灣   今日勁攰啦   又成日汗   頭髮又顛婆咁好樣衰   如果唔係實搵阿 mi 食晚餐   講過如果去荃灣實搵佢嘛 ~

行到金坊只係 5 點 40 分   睇下 Menu   叫完嘢食又等下   6 點 10 分食物到咗喇   勁餓呀   嗰下覺得自己前世未食過嘢咁   哈哈 ~

唔知係咪假期關係   我哋其實未食完   成杯沙冰都仲未飲   已經問我哋啲嘢嚟齊未 ?!  如果唔再落 Order 就埋單送甜品   當時都係 6 點 40 分咋   同埋根本仲有成 5 張枱係無人   咁點解要好似趕客走咁呢 ?!

青芒果絲沙律 ( 小辣 ) - 我哋落 Order 時   佢哋問係咪少辣 ?!   我話好呀   真係好在叫少辣   因為我已經覺得好鬼辣   咁埋單嘅時候   因為我見到沙律價錢唔同咗   原來佢哋落錯咗青芒果絲沙律   但我明明叫青木瓜沙律家嘛   之後佢問我咩口感   我話爽爽哋咁囉   佢話青木瓜同芒果差唔多口感   咁妳問我做咩呢 ?!     

脆肉炒椰菜苗 - 真係超勁愛炒榔菜苗   但里奧大人話咬到牙骹軟喎   

香辣豬肉乾炒河粉 - 香香辣辣真係好味   但分量真係好巨   好辛苦先食得哂   同埋河粉係比較脹胃   好在無胃痛咋   哈哈

芒果沙冰  

椰汁大菜糕 ( 免費 )

食到好鬼飽   所以我同里奧大人講話想行陣   咁去千色店行下   好感恩終於買到個背囊   今日仲有 85 折   折咗之後係 $554   里奧大人就買咗件迷彩褸   減咗價就 $720   買完都差唔多 8 點   所以坐小巴番屋企喇 ~

沖埋涼就即按摩對腳喇   我同里奧大人嘅小腿都有啲扯住   但按完就無咩嘢 lu ~

里奧大人 Load 相   我又睇下電視   11 點唔夠就瞓喇   今日真係勁攰呀   哈哈 ~