元荃古道 + 金坊泰國美食 @ 荃灣 (PART 1/3) ( 1-JAN-2016 )

( 1-JAN-2016  FRI )

新一年新開始   個個都要快快樂樂   身體健健康康   順順利利 ~

今朝自然醒   但 9 點 45 分都醒咗 lu   所以即刷牙洗臉   落樓食早餐呢 ~



食完就番屋企   沖埋涼就出發喇   今日去行元荃古道半段   所以搭地鐵去荃灣   之後再轉巴士去港安醫院 ~

好感恩之前喺荃灣睇中醫   所以我記得表妹附近有幾架巴士會去荃威花園   唔駛坐 84 小巴去   因為上網睇話喺三坡坊附近   雖說前幾日都到過   但我跟大隊   所以其實即係唔識點去   哈哈 ~

離遠見到 30X   里奧大人問跑唔跑   我話梗係唔跑啦   佢已經打咗燈出站嘛   之後去到巴士站就見到架 39M   咁仲好啦   車費$3.5 咋   平 30X 一半   哈哈 ~

                            



12 點半開始行   上網資料話 3 粒星   同埋 3 個鐘頭可以完成   咁我行得慢要抖   又影下相   里奧大人話預 4 個半鐘   最緊要唔好急   放心喎   我唔會鬧佢嘅   因為知道唔係爛路嘛   同埋上次行完龍脊灣   我覺得呢條路都唔會好難行   加上見好多一家大細一齊   應該唔會太辛苦啩 ~

阿喂話頭一段路好甘   有小小吃力   好在佢咁講一講   所以我都有心理準備 ~

好在里奧大人要我帶護膝   因為行樓梯無咁痛㗎   之後我話   我下世都要你做我老公   佢話唔係咁恐怖呀嘛   哈哈   衰格 ~

初段係一直上樓梯

小朋友都用行山仗   不過佢應該係貪得意啦   哈哈

仍然上樓梯

隻狗狗唔郁

最鍾意行呢啲大樓梯   感覺無咁辛苦   哈哈

200 級定 200 米呢 ?!

行下停下   好好陽光但又好好風   唔行山真係嘥哂 ~

行咗 20 分鐘喇   抖陣先   反正有大樹遮蔽   唔抖真係嘥哂呢   哈哈

好多枯葉   一踩落去應該會發出勁響嘅 "si li sa la" 聲呢

我經過嘅時候   立一立眼以為係一嚿石頭   仲心諗點解石頭咁淺色囉

行下抖下   都差唔多 1 點 lu 

終於可以咁望港安醫院喇   哈哈

好感恩今日多人行   唔係驚行錯路

進入元荃古道喇

由下花山 (南) 開始行

上暗斜   唔可以話辛苦   唔係又比人話   哈哈

行下影下抖下   我次次一抖就抖 5 分鐘   咁樣之後可以行得更快   我唔鍾意一路係咁行行行   其一我唔得   其二我唔係要鍛鍊體能   想輕輕鬆鬆   感受一下大自然呢 ~

欣賞下啲花   順便抖下

我怕曬   我都怕出斑   但我就一定唔會拎遮   我覺得仲煩   但頭巾就會戴囉   里奧大人係都要我戴嘛   話驚我曬到頭痛喎

吸一大啖氣跑上去

仍然係元荃古道指示牌

坐呢架車落山都唔錯喎   啲感覺好似過山車開頭咪慢慢一級級咁 "鄧" 上去嘅   只不過依家係落去   仲刺激   哈哈

里奧大人影咩呢 ?!

上完未㗎   我覺得好似上天梯咁   哈哈  

里奧大人一定心諗   狗狗仲勁   行得又快   又唔會鬧人   哈哈

跟住行

行咗差唔多 1 個鐘 lu

另一邊係爛路   如果落雨就危險喇 

有間無人住嘅鐵皮屋

鬼臉呀

 隻狗狗後腳有事

呢個主人好有愛心呀

如果我住喺度嘅話   會有朋友手搵我嗎 ?!

唔記得係 For 咩賽事   好似係越野單車

咁我行後過里奧大人嘛   但我聽到啲人好大聲話好大隻呀   真係好大隻呀   好小見到咁大隻   咁里奧大人又睇埋一份   我以為係咩嘢昆蟲之類   原來佢哋講緊木瓜 

  右下角阿叔手拎白蘿蔔   感覺好新鮮咁   哈哈

一粒粒黃色唔知係咩生果

鬼爪   哈哈

佢哋喺農地上面吊住隻馬騮公仔   夜媽媽見到真係嚇鬼死

呢隻又係恐怖

係隻狗嚟㗎

呢個牌   夠哂歷史

望番落去   見到如心廣場

紅色嘅葉    其實都好靚呢

好大隻螞蟻   仲有個蟻竇添

我好鍾意呢種花

吹住涼風   好舒服呀

今日好多霧

樹皮   諗起啲朱古力蛋糕   哈哈

應該仲有排行   哈哈

見到如心廣場

1 點 45 分 lu   見到個亭   里奧大人話休息下   順便食麵包喎

我食半個咋   真係唔太想食   只係想飲嘢   帶咗 2 支寶礦力   已經飲咗 1 支㗎喇   我哋一半路都未行完   所以之後要慳住慳住咁飲呢

唔知咩 Building

好似有排行咁喎

影下相   感覺無咁辛苦   哈哈

不過唔緊要   我依家鍾意行路   呵呵 

仍然係好濛   可惜可惜

呢日未完㗎 ^^