唔撈一下 里奧大人應該唔知邊樣打邊樣 哈哈
( 2-AUG-2018 THU )
居然一覺瞓天光 感恩呀 因為代表我真係無唔開心呢 如果好激氣 真係好難入睡 同埋會不斷諗好多負面嘅嘢㗎 ~
早餐食芝腿治 唔知食咩好 ~
菇場忙咗陣 咁就即 Load 相喇 ~
點知阿 A 番咗嚟 我又唔可以隨時上網 lu ~
里奧大人 Send 個短訊比我 知佢尋晚做錯咗 之後我寫咗一大段嘢比佢 講出我感受 叫佢必須控制一下自己情緒 好感恩好感恩 佢肯面對同接受我所講嘅一切 ~
最搞笑係佢 Send 嘢比我 咁我又啱啱諗緊寫啲咩 所以唔覆佢住 但信息係 "已讀" 佢問我做咩唔講嘢呀 ?! 因為我好少會咁 佢應該知我嬲 因為佢好少咁緊張我無覆佢㗎 ~
我相信每個人嘅人生當中都會有逆境 但就睇你用咩心態去面對 要是你日怨夜怨就一定喺困局裡面 永遠係唔願意多行一步走出嚟 咁真係無人可以幫到你 ~
安慰說話我會講 但聽完之後 你又固態復盟 不斷要番困局入面 對成件事無幫助之餘 仲搞到自己心情唔好 負面不斷 ~
我真係好怕啲人乜都負面 講極唔聽之餘仲乜都只係話人地錯話人地衰 永遠睇唔到自己嘅錯 等如我成日都話 一次兩次三次都遇衰人 我當你黑仔 但次次話人都係衰嘅話 咁就一定係你自己本身有問題 永遠睇唔到自己有問題嘅人先會咁講 ~
做人要兩面睇嘛 咁你先知道對與錯 日日負面思想 做人真係唔會開心 開心又一日 唔開心又一日 點解要揀唔開心 咁我都會有唔開心 咁咪食個朱古力甜筒囉 起碼食嗰下都開心嘛 有啲事發生咗就係事實 改變唔到事實 你就要必須改變自己嘅心態去面對呢 ~
老實講 尋晚爆咗一鑊 今日又寫埋論文 等里奧大人知道我感受 我真係有解脫咗嘅感覺 雖然我都知里奧大人仍然會自己走番困局入面 但起碼呢一刻係我自己走出困局 釋放咗出來啦 哈哈 ~
8 卦要還書 所以又要我陪佢食 Lunch 佢好鍾意打機 一坐低就打機 但又會傾計偈 之後佢食完 但我仲未食完 佢又打機 之後我話佢: 你成個港童咁 打機食飯打機 係咪當我唔存在㗎 ?! 之後佢喺度大笑 知衰嘛 哈哈 ~
食完就分道揚鑣 佢還書我打簿 買埋酥皮蛋撻就番菇場喇 ~
我買埋比 8 卦 佢話做咩買比佢 我話突然來想食 咪買埋比你開心些牙囉 ~
話咁快就放工 同里奧大人去牛下食嘢 之後去培靈會喇 ~
其實今朝我問里奧大人想唔想我一齊去培靈會 ?! 佢話想就陪 唔想就算㗎喇 ~
但真係好感恩我可以聽培靈會 今晚得到嘅信息係承認自己有限同軟弱 要學會謙卑 不要自大 虛心接受主耶穌嘅主權同力 因為神掌管一切呢 ~
9 點完畢就番屋企 里奧大人話想去麥記食食雪糕喎 ~
食完就飛番屋企喇 沖埋涼就洗衫 ~
聽晚見到家姐 所以即刻開包杏仁條同佢 Share 喺曼谷買㗎 啲口感係入口即溶 好得意
睇陣電視 成 12 點幾先瞓呀 ~
沒有留言:
發佈留言