星洲炒米
( 7-AUG-2018 TUE )
今朝 9 點半起身 沖埋涼就去食早餐喇 之後番到屋企抖陣就去診所 lu ~
我哋早咗到診所 點知醫生有緊急手術要做 所以出咗去 問我可唔可以改聽日 我話唔得呀 之後約 5 點 45 分 我話可唔可以早啲 佢話可以 2 點 15 分 咁都好 要是 5 點幾 我都唔知去邊度好 又唔想番屋企 心情已經好緊張 仲滕來滕去 真係唔想囉 ~
諗住睇戲 但啲時間唔啱 咁里奧大人話去 Canon 玩機囉 咁是但啦 真係諗唔到去邊 ~
估唔到一玩就玩咗半個鐘 最鍾意玩啲好重嘅相機 因為真係唔會買來影嘛 就咁一部機都起碼 10 磅 真係送比我都無用 同埋我唔會用到咁專業嘛 哈哈 ~
原來都差唔多 1 點 咁去意粉屋食午餐囉 諗住坐耐啲 但其實 90 分鐘限時 咁無所謂 我 2 點都會走人 ~
太焗熱喇 所以一定要飲凍檸茶
估唔到是日沙律有煙三文魚
羅宋湯 本來唔飲㗎 但見隔離枱飲又好似好味道咁 所以即加錢轉餐 哈哈
巴馬臣芝士肉醬意大利粉 (牛肉) - 配羅宋湯 / 沙律+飲品 ($83) - 其實真係好唔明 張 2 人枱咁細張 1 人份嘅餐湯 + 飲品 + 主菜根本已經佔咗大半張枱 因為隻意粉碟好大隻 要是 2 個餐嚟哂 根本唔夠位擺 當我地食緊意粉嘅時候 Pizza 又來喇 職員都拍埋另一張枱比我哋 咁隔離無人坐啫 要是有人坐 咁就要等我食完意粉先上 Pizza ?! 定係照上 Pizza ?! 但張枱唔夠位放喎
好味道呀 但都好漏下 哈哈
珍寶雜錦板板薄餅 (意大利辣肉 / 加拿大煙肉 / 辣肉腸 / 莎樂美腸 / 蘑菇 / 洋蔥 / 青椒及菠蘿 ) ($98) - 咁樣切開 反而比我覺得整到好污糟咁 哈哈
我覺得味道好一般
最搞笑我好認真同里奧大人講 等個 Pizza 都要 15 分鐘 咁限時 90 分鐘邊夠喎 個半鐘就差唔多 里奧大人好驚訝咁同我講 : 90 分鐘咪等如個半鐘囉 我話係喎 但覺得講幾多小時嘅時間 好似長過講幾多分鐘嘅時間咁 哈哈 ~
差唔多 2 點半見醫生 知道報告只係小問題 3 個月再做多次 Test 就可以 感謝主 ~
咁我依家食緊藥 順便問埋啲藥有無副作用 之後我話我驚聽唔明 醫生指住里奧大人 話有佢聽就可以啦 哈哈 不過真係好多醫學名詞 真係好難記呀 哈哈 ~
終於放下哂心頭大石 咁水姑本來約我哋飲嘢 但我地實在太飽 所以最後同佢講話唔出嚟喇 ~
搭巴士番屋企 番到屋企都已經接近 4 點 里奧大人就沖過涼再瞓陣 佢一定擔心咗成晚啦 我就唔瞓 lu ~
5 點幾出發 咁去試間新嘢 因為無人排隊 最感恩係仲有得食下午茶餐 哈哈 ~
今晚信息係順服神 而不是順服人 Trust and Obey 我真係要好好學習呢 ~
9 點幾散會 雖然番到屋企好似散哂咁 但當中每晚我都好有得着 實在感恩 ~
沖埋涼就休息 我 11 點都自己瞓先喇 ~
沒有留言:
發佈留言