米線陣 @ 官塘 ( 12-OCT-2018 )

( 12-OCT-2018  FRI )

今朝里奧大人 5 點起身   要打的去火車站 Join 埋老闆一齊上廠   因為太早啦   乜車都未開 ~

話咁快又星期五   涼咗好多呀   其實呢啲天氣先係正常   已經 10 月嘛   前幾年真係仲係熱添呀 ~

早餐食芝腿治   本來想食吉列豬扒   但諗諗下都係唔好   其一份量太多   其二太過熱氣啦 ~



菇場唔忙   所有大粒出哂 Trip   又 3D 喇   爽 ~

咁我就忘我 Load 相   但其實對眼好攰 ~

Lunch Time 出去買水餃米   咁茶記男仔問我食咩 ?!   我突然腦閉塞   講唔出啲咩   之後佢話水餃多蔥   哈哈   我話係咪聽到悶 ?!   佢話鍾意食咪得囉   之後我等啦   個男仔問我兜辣椒油呢 ?!   我完全唔記得加呀   佢話平時辣椒油會喺枱   咁一齊入袋   唉   今日我真係做乜鬼   買樣嘢都甩甩漏漏咁 ~



仍然 Load 相啦   突然勁眼瞓呀   伏咗喺枱度   仲不斷同自己講唔好瞓唔好瞓   但當我起身嗰下好精神   我相信我係應該瞓鬼咗   真係覺得自己離哂譜   不過咁   要是大粒同阿 A 喺度   我一定唔敢咁做啦 ~

放工即走   去超市買嘢   咁買咗韓國雪條   我習慣番到屋企會拆盒拎出來   點知一拎係溶囉   又要再換番   攰到我呢 ~

番到屋企抖陣就抹嘢   咁等埋里奧大人番香港就同佢食嘢 ~

佢話差唔多 8 點 15 分到官塘   順便去埋拎淘寶   咁我都出門口 lu ~

食完都即番屋企喇   無啦啦又落雨   所以更加凍咁 ~

沖埋涼就休息   我睇嘢鍾意 Repeat 又 Repeat 咁睇嘢嘛   依家鍾意睇 Evan Le   所以晚晚睇   咁里奧大人沖完涼出來   第一句就話 "又嚟"   哈哈   咁我覺得個細路仔好勁嘛   同埋臨瞓前聽下鋼琴都幾好   哈哈 ~

勁攰呀   我 10 點 45 分都自己瞓先喇 ~