龍城冰室 @ 九龍灣 ( 18-OCT-2018 )

瑞士雞翼撈公仔麵配 3.6 牛乳炒蛋+牛油脆豬 ($47) - 我都鍾意食撈麵   同埋今日中午食咗濕粉   所以夜晚要食乾嘢   哈哈



櫻花豬柳公仔麵配 3.6 牛乳炒蛋 + 牛油脆豬 ($47) - 豬柳勁好味呀



3.6牛乳炒蛋 + 牛油脆豬 - 啲蛋好老啦   脆豬又唔脆



( 18-OCT-2018  THU )

一番工就星期四   咁又唔錯喎   但成日記錯今日星期一要做 Report ~

今朝同里奧大人食早餐   之後佢去機場博覽會行 Fair   如果下星期擺 Fair 就好啦 ~

菇場勁忙呀   仲諗住無咩嘢做添 ~

Lunch Time 出去買水餃米   阿齋都忍唔住問我係咪好鍾意食 ?!   但我話食粉麵呢個份量就最好   酸辣米線同車仔麵啲份量太多喇   食完飽到夜晚咁   唔係咁鍾意咁啦   我夜晚要食飯家嘛 ~

仍然忙啦   最邪係同 8 卦講完搞掂   15 分鐘之後就忙到爆炸 ~

咁佢聽日上廠   但又無嘢佢搞   咁我話唔好上囉   浪費時間   之後佢問我點解叫佢唔好上廠 ?!   我話你唔係以為我掛住你呀嘛 ?!   佢話係喎   驚我食爛快太悶   我話黐鬼線   鬼得閒掛你咩   一個人食不之幾咁爽   唔駛又等又剩 ~

5 點左右終於搞掂哂   又整下啲 Filing   其實仲有好多嘢要整   不過真係好攰   逐樣逐樣嚟   哈哈 ~

里奧大人諗住 6 點喺九龍灣   點知佢同事同佢傾嘢   傾到 5 點半   喺機場出嚟起碼要 7 點囉   我又要周圍行住等佢了 ~

行到差唔多 6 點 45 分就去龍灣   又唔想食小菜   更加唔想食粉麵   咁食常餐啦   兩餐食即食麵   感覺真係麻麻哋   但我又唔想食通粉 ~

食完就去聽嘢   今晚居然係之前個老師講解   大家都勁開心   成個場充滿活力咁   哈哈 ~

9 點半完畢   即番屋企喇 ~

沖埋涼就休息   里奧大人 11 點唔夠都瞓   我就 11 點 15 分先瞓   因為叉緊手機電   不過叉到 90% 都頂唔順要瞓   哈哈 ~