大叻越南牛肉粉餐廳 @ 油麻地 ( 13-OCT-2018 )

越南炸絲網春卷 ($42) - 味道 OK 呀   蘸酸醋就最正   無咁滯   哈哈



馬拉盞炒通菜 ($54) - 勁惹味呀   第 1 次食咁好味嘅馬拉盞炒通菜



碳燒香茅豬扒湯金邊粉 ($44) - 豬扒非常 Juicy 呀   好好味呀   



( 13-OCT-2018  SAT )

今朝 7 點 15 分起身   約咗家姐喺 Delifrance 食早餐 ~

鮮菠菜雞肉奄列配蘑菇汁及法國百吉包 ($45) &
自選特級早餐 - 煙火腿 + 珍寶腸 + 火雞片 + 法國貴族牛角酥 ($43)



迷你火雞片鮮蘑菇湯長通粉 (+$12) - 我立一立以為果 2 片係腐竹   哈哈





傾下講下   原來我有時同家姐呻嘅嘢   佢係好記得   佢講嘅時候個樣仲好慘咁   笑死我   之後仲話估唔到我脾氣咁好呀   哈哈   咁又係   我以前對媽咪咁鬼惡   不過咁   我真係唔鍾意嘈   你發顛你事   好多嘢最終自己受番   我又何必要嘈呢 ?!   我對事唔對人   所以我講嘅嘢係有根有據   我唔怕囉 ~

估唔到傾下傾下就已經 8 點 55 分   要走啦   去到巴士站無耐   家姐就有巴士到喇   如果走咗呢班車就又要等好耐   感恩我哋趕得切咋 ~

之後到我差唔多有車 lu   番到菇場都 9 點 20 分   好在無大粒喺度 ~

今日全程 Load 相   其實對眼超級勁攰 ~

放工去買菜飯番屋企   因為好想比里奧大人試下   但可惜今次啲豬扒同豬頸肉好乾囉   平時食好 Juicy 㗎 ~



咁里奧大人 3 點 15 分出發聽講座   我好似 3 點半都瞓着咗   一瞓瞓到 5 點半呀   勁爽 ~

趕唔切搭巴士   咁唯有搭地鐵   出到油麻地都 7 點   里奧大人啱啱聽完講座   喺地鐵站出口等我   之後話下次都唔好嚟接佢   始終地方比較雜 ~

我唔太餓啦   所以話唔食中菜同埋飯類   最後我揀咗越南菜 ~

食完就行去旺角搭車番屋企   里奧大人唔熟旺角   我就熟啦   細個住旺角嘛   所以一行旺角就有好多開心回憶湧出來   哈哈 ~

番到屋企就沖涼   之後休息喇   我最勁   10 點 45 分上床瞓覺   唔知點解無啦啦好攰咁   里奧大人都好愕然咁同我講: 妳瞓到 ?!   因為我之前同佢講話瞓咗 2 個鐘晏覺   驚今晚瞓唔到呀   哈哈 ~