個爐底係咁
啲菜索哂辣油 所以我第一時間夾起先 其實勁想叫佢比碗清湯 等我浸下先食 不過見又唔係好多菜 咁頂硬上啦 哈哈
芒果奶昔 (RMB16) - 里奧大人話要飲奶解辣 但呢杯嘢唔凍嘅
呢日原本諗住陪叔叔嬸嬸去西貢 不過佢哋講明未必得㗎 因為今次主要番嚟香港唔係玩呢 但我都會請定假先囉 ~
尋日嬸嬸話星期六有事 所以去唔到西貢 咁無問題啦 做緊要嘢先嘛 咁我同里奧大人講話反正請咗假 不如上大陸一轉玩下呢 ~
今朝我 10 點半自然醒 里奧大人話佢 9 點都已經醒咗喇喎 ~
沖埋涼就去食早餐 食完番屋企抖陣 12 點出發喇 ~
天氣都好舒服呀 最緊要唔好熱 ~
搭港鐵再火車 因為里奧大人話佢知地鐵出口位置 反而坐直通巴就唔知點去 不過我都要用下張大陸地鐵卡囉 無理由買咗唔用嘛 ~
今日搭車唔駛急急趕趕 所以心情勁好呢 哈哈哈哈 ~
今次再去萬象天地 因為上次未行完嘛 地方真係好大 同埋人流唔太多 呢下先開心 ~
坐頭等係舒服啲嘅 加上今日無咩人就更加舒服啦
到羅湖喇 行去搭地鐵去萬象天地 (高新園站)
今日真係無咩人喎 唔錯唔錯
咁大隻字咪好囉 啱哂我啲阿婆睇 哈哈
到高新園站喇
已經 2 點 lu
A 出口就係去萬象天地
萬象天地入口附近 都有好多店舖
到萬象天地喇
我哋行外圍搵食
我話: 好味呀 所以叫里奧大人幫我影張相 之後佢真係以為有嘢食 哈哈
2 點半喇 咁我開始有啲餓了 之前睇 Youtube 都睇咗唔少食店 所以咩都想試下咁呢 ~
點解 "點單" 唔用簡體字嘅 ?! 哈哈
我 Load 相先知影到咁
好在次次影 2 張 哈哈 見到最貴係 RMB36 接近港紙 40 喎 一個有餡燒餅咋喎
地方都大 同埋都靜 呢下最緊要
我哋坐呢度
我鍾意呢啲鐘
懷舊收音機 哈哈
等緊食物送來
鮮磨豆漿 (熱) (RMB10) - 有豆味喎 估唔到係好飲 因為我唔係咁飲豆漿呢
肉鬆飯糰 (RMB22) - 我覺得青瓜唔係咁夾囉 食到最底先食到油炸鬼
辣雞腿都幾辣
忠溫仁 應該唔會有人咁讀啦 哈哈
我等着妳回來 我等着妳回來 ♪♫♬♭ ♪♫♬♭ ♪♫♬♭
今日全黑打扮 但絕對無顯瘦 哈哈
望出去係咁的
LED 天花板 實不相暪 我第一次見 大鄉里到震呀
@ 桃園眷村 好記得上次見過呢間嘢 我仲同里奧大人講話桃園一定係台灣嘢 所以唔食 哈哈
食店地方原來咁大
附近一帶都好多食店 有中式有西式有泰式 同香港差唔多價錢
泰國菜幾吸引 不過份量一定多啦 如果唔係都想再食啲嘢 哈哈
我覺得裝潢好靚 特別係彩色磚牆
都係嗰句 依家喺大陸消費真係唔平 不過都睇地區 我相信東門會平好多 但我唔想再去東門 我都係想去啲比較高級啲嘅商場行下 感覺安全啲 同埋洗手間又乾淨 好緊要家嘛 ~
對門原來係開得嘅 哈哈哈哈
去 Information Centre 睇嘢
我想要呢個環保袋 因為質地夠厚呀 可惜換唔到啦
真係好大地方
又去出面行下
里奧大人話上網講話有隻象喺上面 真係佢唔講 我都唔覺 哈哈
呢間 Seesaw Coffee 無位 唔係都想飲杯雪糕咖啡
呢度咖啡嘅價錢都唔平 其實裝潢都靚 不過我無影啦 唔係啲人以為我影佢哋 哈哈
呢度係 "水廣場" 里奧大人同我話上網咁講
萬象天地另一個出入口
都幾多食店 所以我鍾意行啦 哈哈
里奧大人話下次同我去呢間食 因為知我想食片皮鴨
都叫做抵
其他食物都吸引
依家先見到天幕標誌幾特別喎
樣樣想食 但真係無可能食咁多 唯有期待下一次食啦 ~
衰奧話我一食就開心 食嘅地方就永遠記得 但上次先去完 點會咁快唔記得喎 ~
咁我行行下有啲餓 所以想去 KFC 食嘢呀 ~
里奧大人好搞笑 話無支付寶呀 所以無得食 我話點會只係支付寶呀 我再睇清楚 見到寫住有需要可以喺櫃面買餐囉 今次佢睇啲唔啲啦
呢個餐吸引呀
仲有雪糕 貴嘢啦 要 RMB25 所以唔食
地方都闊落
開餐
好味呀 好似食緊北京填鴨咁 哈哈
唔知點解中文叫蕃茄沙司呢 ?! 初初睇錯以為係蕃茄起司 咁個醬就會好杰身 哈哈
習慣 KFC 職員啲制服係紅白色裇衫 所以覺得呢間黑白色制服靚好多 定係依家香港都係咁呢 ?! 我好耐無去 KFC 喇
呢個洗手器正呀 先出洗手液再出水 之後再出埋紙巾 好在里奧大人同我講話係出咗洗手液先咋 唔係我以為就咁出洗手液呢 哈哈
@ KFC
打機嘅地方 我勁想玩越野車 Game 不過要 RMB35 但太貴了 唔捨得玩
行到差唔多 5 點 我哋搭地鐵去海月站 今次去寶能 All City 行下 ~
走人喇
呢度 8x 級樓梯 里奧大人問我怕唔怕呀 ?! 我話落樓梯 OK 呢
到寶能 All City 喇
里奧大人影到煙霧迷漫 Feel 喜茶係正經地方嚟㗎 哈哈
依家好多地方都係掃 QR Code 就有優惠
呢間啲飲品名字深色好多
都坐咗成 9 成人
5354
今次無咁濃味噃
飲完就無哂人了
@ 喜茶
飲完又凍又飽飽哋 咁周圍行下啦 行完南區再行北區呢 ~
開始天黑 lu
入去商場睇喇 里奧大人話調茶局個名好得意 我話去河源嘅時候都見過啦
幾好玩咁喎
都幾多食店
玩食字
有幾卡架火車喺商場入面行 又幾得意喎 可想而知地方幾大呢 哈哈
誠信小賣舖
里奧大人成日話 "友誼" 兄弟 我話你睇清楚啲啦唔該 哈哈
呢間鵝店都出名㗎 不過今日冷氣壞咗 所以一定唔會入去食啦
仲有豬肘
鴨肝
鴨鴨鴨
由呢度去"北區" 係無人行
咁樣叫做有啲人氣 哈哈
我就是出口
我叫佢做忿怒青蛙
睇咗 "噪" 音 我心諗嘈音都要學 ?!
依家啲小朋友幾咁幸福 剪頭髮都唔駛怕 lu
原來青蛙帶咗頂帽 里奧大人話唔係唔知呀嘛 ?! 我話睇唔到嘛 佢話頭頂有塊嘢就知係帽啦 我真係無留意喎 我只係望住青蛙對眼咋
牆紙好靚 如果屋企牆紙係咁呢 我會覺得成日好凍咁 哈哈
呢隻忿怒青蛙無處不在
行完再去超市買下嘢 不過間超市唔係好大間囉 所以好快行完 ~
奶粉係裝咗防盜器 里奧大人次次見到奶粉 就會話好奇怪點解佢哋成日落香港買奶粉 佢哋自己超市都有啦
一包薯片要 RMB16.8 好貴啫
其實 Jelly 都唔平 不過里奧大人想食 咁叫佢買囉 泰國買唔到 估唔到大陸先買到
香蕉型棉花糖
買咗呢啲咋 里奧大人想買 4 支尖叫 知我鍾意飲嘛 不過我話唔要呀 未得重過咩
因為諗住搭 9 點 15 分嘅直通巴番香港 所以行到 7 點左加都搵地方食嘢 唔駛咁趕嘛 ~
見到漁技又去試下 我好少煮魚 所以食魚真係非常 OK 哈哈 ~
裝潢好西式
"漁技" 但我成日讀咗 "技漁"
隻碟好有親切感 因為屋企有隻同佢差唔多款呢
好易睇錯以為今日係 JUL 15 哈哈
環境好有 Feel (即係好暗) 我其實唔係咁鍾意咁暗 令到個人好攰咁 (可能人哋覺得 Relex)
咁我去比錢啦 我比哂啲五蚊紙 好似都有 10 張 估唔到個收銀員好開心話: 妳比哂我呀 ?! 老實講 依家去大陸 真係唔駛帶人仔 個個都支付寶比錢 我發覺好似次次都係我哋比人仔咋 大鄉里 哈哈 ~
8 點 35 分打的去深圳灣口岸 今晚過關非常順利 因為無咩人 ~
@ 深圳灣口岸
咁我哋係 41 or 42 站口坐車番官塘 咁里奧大人去廁所 里奧大人就指住站口方向比我睇 我就行去站口 咁有個男職員問我去邊 ?! 我話官塘 佢指我另一邊方向囉 都唔係 41 同 42 嘅 之後另一個女職員問我去邊 ?! 我拎張飛出來話官塘 佢話係呢邊 仲叫我上車 我話我仲等緊人呀 ~
之後同里奧大人講番個男職員老點 要是我一個人來 我真係會上車 我信佢嘛 ~
車票要 RM50/張
望。着海。一片
番到屋企都 10 點 15 分 即沖涼喇 ~
今次去大陸好開心呀 可能避哂啲繁忙時間 行嘅食嘅地方唔係太多人 又唔駛趕住搭車 真係好怕趕來趕去嘅感覺呢 ~
睇多陣電視 11 點幾都要瞓喇 聽朝要早起身呀 ~
沒有留言:
發佈留言