招牌餃子拼雜豆 + 足料糯米雞 + 山竹蒸牛肉 ( 15-APR-2021 )

( 15-APR-2021  THU )

臨醒前又發夢   係要喺水上面玩捉魚遊戲   但勁驚囉   因為見到條條魚都好大條   之後里奧大人鬧鐘醒咗   我都懶下床先起身   呢排成日發夢真係慘 ~

瞓醒對眼真係大好多

早餐食芝腿治烘底   雖然好好味   但唔可以成日食 ~

菇場勁忙   當堂精神哂   哈哈哈哈 ~

Lunch Time 去買脆脆零食比里奧大人同事   之後再去日本城買乳酸飲品比家姐   買完就番菇場 lu ~

今日 Lunch 食 Flakes + 朱古力奶就算 ~

日瞓夜瞓

仍然忙呀   好快就放工   買埋雞骨草比里奧大人就搭車番屋企喇 ~

我去 7-11 買 Oreo 雪糕比里奧大人   因為家姐話 $100/8 杯都抵   其實我好少買細杯裝嘅雪糕   真係唔知本身價錢㗎   哈哈 ~

番到屋企就拖地   之後即蒸糯米雞   因為上次蒸咗好耐呀 ~

里奧大人 7 點幾番到屋企   等佢沖埋涼就開餐 ~

今餐全部都係剩餘物資   終於可以一次清哂   勁開心   因為冰格可以放新嘢 ~

是日懶餐 - 招牌餃子拚雜豆 + 足料糯米雞 + 山竹蒸牛肉

招牌餃子拚雜豆 - 前晚食剩嘅水餃   加埋一碗雜豆   可以當一餐又可以清廚餘   哈哈 ~

足料糯米雞 - 蒸咗 1 個鐘先全熱   咁樣唔化算呀   嘥煤氣嘛   下次買現成嘅就算喇 ~ 

山竹蒸牛肉 - 又係上次食剩   今晚食埋去   諗起上次里奧大人話唔要山竹得唔得 ?!   我話你想有都難呀   不過我唔記得包裝係咪咁寫   定係寫牛肉球   哈哈~

洗埋埋就大清潔廚房   之後開機洗衫   沖埋涼就休息   里奧大人就熨衫 ~

我同里奧大人講話比啲好嘢佢食   其實只係 Oreo 雪糕   不過佢一路食一路話要減肥喎   我話唔緊要啦   今次買咗 5 杯   同埋細細杯之嘛 ~   

睇到第 6 集 "哲仁王后"   我哋覺得麻麻哋好睇   所以應該唔會再睇 lu ~

鼻仔托住喺公仔腳上面

之後就瞓喺公仔個身上面   今日家姐早午晚都有 Berry 相比我   好少何   哈哈 

今晚睇到 11 點幾都瞓   呢排又夜瞓咗少少 ~