蔥花蒸鯇魚 + 腐皮卷 (外賣) + 腸仔炒手打烏冬 + 學斗白菜 + 青紅蘿蔔粟米栗子豬骨湯 ( 16-JAN-2023 )

( 16-JAN-2023  MON )

感恩瞓得都唔錯   可能天氣凍   之前嗰晚都仲熱熱地   估唔到突然間又凍番 ~

不過臨醒之前   個胃又痛   唔知係咪之前食藥前無打底呢 ?!   但里奧大人話係喎 ~      

早餐食芝士夾甜餐包   希望一月前清哂啲芝士 ~

菇場忙呀   實在太好 ~

Lunch Time 出去行下   其實好餓但好想行   行行下又唔覺餓   但行完之後又覺勁餓   奇奇怪怪   哈哈哈哈 ~

天氣凍好想食熱嘢   所以就買紅腸酸辣米線喇   今次好多酸菜芽菜勁好味呀 ~

忙到 3 點幾就搞掂   可以專心等放工   哈哈 ~

呢排天氣乾燥   里奧大人放假喺屋企就開機洗 2 機衫   咁就乖喇   夠主動   哈哈哈哈 ~

後生未結婚   真係只係想食咩玩咩買咩   識嘅朋友同同事都係咁   依家結咗婚   朋友同同事又差唔多年紀   真係只會講邊度買餸平同埋超市有咩特價咁   生活真係完全唔同哂呢 ~

放工即走   番到屋企都快快手煮晚餐喇 ~

是日晚餐 - 蔥花蒸鯇魚 + 腐皮卷 (外賣) + 腸仔炒手打烏冬 + 學斗白菜 + 青紅蘿蔔粟米栗子豬骨湯

蔥花蒸鯇魚 - 真係好耐無食魚   買樣最易煮嘅魚嚟食先   哈哈 ~

腐皮卷 (外賣) - 買咗都唔記得   好在放喺雪櫃嘅當眼位置咋   今晚只食咗 2 件   又要留番聽晚食 ~  

腸仔炒手打烏冬 - 我覺得炒烏冬方便過煮白飯   時間快好多咁   同埋里奧大人又可以帶飯   今晚都食唔哂啲烏冬   咁我放入盒啦   奇怪點解剩咁多 ?!   原來我無放入里奧大人嘅 Lunch Box 呀   最樣衰係頭先里奧大人問我有無放入 Lunch Box ?!   我仲大大聲話梗有啦 ~

學斗白菜 - 今晚點都要清埋去   又係買咗唔記得佢存在 ~

青紅蘿蔔粟米栗子豬骨湯 - 飲埋聽晚就可以飲哂   所以煲湯都唔錯㗎   可以連飲三晚   哈哈 ~

洗埋碗就沖涼   之後休息休息 ~

里奧大人同事比㗎   實在太開心   因為我都鍾意食牛耳同蛋散   有埋角仔更開心   因為我唔會買嚟食   一包好多食唔哂呢

天氣凍凍地真係舒服   所以有時睇睇下電視都會瞓着咗㗎 ~

11 點都瞓喇   今晚轉枕頭瞓覺   希望條腰唔痛啦 ~