泡菜炒豚肉 + 鮑魚昆明生菜 ( 19-JAN-2023 )

( 19-JAN-2023  THU )

今朝 7 點 15 分都醒咗   咁都起整早餐 lu ~

沖涼洗頭再整完早餐   反而 7 點 50 分先搞掂   但我係早咗 10 分鐘起身   平時 7 點 45 分都搞掂嘛   所以真係越多時間就越慢吞吞   哈哈 ~

早餐食醬占多士   我覺得呢間麵包比較硬食   下次都係唔再買了 ~

菇場唔忙啦   可以做下自己嘢 ~

Lunch Time 出去買菜   真係差啲唔記得呢回事   最後買埋燒賣粉果就番菇場喇 ~

仍然唔忙   咁同 8 卦 Skype   佢真係成個女人咁好搞笑   佢想同老婆去食打邊爐放題嘛   其實係咪問佢老婆仲好呢下 ?!?!?!   尋日已經問咗半日邊間好   仲 Send 哂啲相比我睇   到今日仲係咁問邊間好   之後話今晚食完影多啲相比我睇   我話睇佢開箱即係連續睇咗 3 日邊爐相   放過我啦   哈哈 ~

放工買埋麵包就番屋企   今晚好想食泡菜拉麵   所以同里奧大人 Share 一個   因為要留肚食紅豆吉士批 ~

是日懶餐 - 泡菜炒豚肉 + 鮑魚昆明生菜

泡菜炒豚肉 - 好耐無煮呢個餸咁   又順便清埋樽泡菜   最唔鍾意食剩少少咁呢 ~

鮑魚昆明生菜 - 今晚年廿八   所以開罐鮑魚仔   哈哈哈哈 ~

洗埋碗就開機洗衫   之後沖涼喇 ~

里奧大人今晚飲咗 2 包清熱酷   因為今日午餐又食招財進寶餐   我話人地食個餐就 $48   你就要 $58   因為要飲 2 包清熱酷   佢都笑住承認麻鬼煩   哈哈 ~

不過有次佢食咗 2 塊薯片但無飲啤酒   之後喉嚨痛仲病咗兩個星期   所以屋企真係長期要有啤酒比佢清熱   人哋唔知以為佢好鍾意飲啤酒呀 ~

睇電視睇到 10 點半都瞓了   里奧大人就繼續睇書 ~