自家製芝士麻糬 ( 2-nov-2011 )

呢晚又要清咗包芝士麻糬預拌粉   所以就跟佢包裝嘅做法黎焗麻糬喇 ~

我本身都鍾意食麻糬架   煙煙韌韌嘛   不過 Panash 嘅麻糬好似無以前咁好食   又越黎越細咁   同埋我覺得佢地加價加得好犀利   好似佢嘅條裝芝士包咁   初初食真係又平又多芝士粒又好食   所以成日買   果時好似 $15.5   之後一加就加到 $19.5   咁有排好似日本 d 牛有事定唔知咩   無出一輪   之後就加到 $25.5   咁都買黎食啦  因為想食好耐嘛   不過發覺 d 芝士小到呢   得以前嘅 1/3   好搵笨囉   所以之後都無買 lu ~  

所以今晚都好期待自己整嘅芝士麻糬   雖然係用預拌粉   但都要搞家嘛   同埋今次焗嘅時間比食譜嘅小 10 分鐘   估唔到又啱啱好喎   因為有一盤試跟佢地嘅時間   差 d 燶呀 ~   

一出爐就自己試咗味道同口感   好似 Panash 果 d 咁呀   之後再比里奧大人試   佢都話好味   我超勁開心呀 ~

一包預拌粉焗 20 個   其實份量真係好多   話哂都係飽肚嘢嘛   不過唔緊要嘅   因為我比哂家姐同佢 d 同事食   咁應該好快食哂呢   如果我自己食   要食幾餐   真係唔想鍾意食嘅嘢   要食幾日   咁樣會好厭囉 ~