板長壽司 @ 九龍灣 ( 1-nov-2011 )

( 蝦天婦羅壽司 )


( 三文魚醬油漬壽司 )


( 三文魚壽司 )

( 珍味廣島蠔壽司 )

( 1-nov-2011 tue )

呢排成日都 11 點 45 分左右先瞓   所以有小小攰   早瞓有早瞓嘅好   會精神 d   皮膚又靚 d   人都長命 d   但唔好嘅就係出街嘅時候   一到 10 點幾就好眼瞓囉   好在我唔係成日出街啫 ~

今朝去另一間冰室試下 d 早餐   無咩特別   我坐卡位   對面係一個男人   食嘢又 jep jep 聲   好煩   不過我 d 早餐又黎哂   我就費事轉枱囉   食食下後面嘅人又唔知做咩鬼係咁郁張櫈    搞到我坐得超唔舒服   下次都係唔黎食喇 ~

番到菇場   見到會計部又有新同事   不過無介紹   比我都唔介紹住啦  一陣又係做一日就唔做   睇定 d 再介紹好過咯 ~

Lunch Time 仲未餓   所以出去行咗半個鐘先番菇場食嘢   又係 Special K   不過今次係用朱古力奶呢 ~

今日要去診所拎藥   佢地收 6 點   本來我想早走本粒鐘   咁可以慳番 80 蚊   不過都係唔好咁喇   比人感覺唔係病就早走咁囉 ~

里奧大人今日要上大陸見客   好感恩 7 點可以走   我一早諗好咗煮蕃茄意粉   但里奧大人話想食麵   咁我依家又唔駛帶 lunch box   我食咩都無問題嘅   之後差唔多番到屋企果時   佢打黎話想食壽司   因為又難得 8 點幾可以番到黎   所以想出去食下嘢   relax 下咁話喎   我唔駛煮喎   當然唔會反對啦 ~

番到屋企第一件事係試過 Cheese Cake   味道同口感都 ok 呀   不過 Oreo 餅底就真係唔掂囉   下次都係自己買消化餅番黎打碎   口感正好多呀 ~

我地叫埋家姐一齊黎食壽司   不過佢去完媽咪屋企食飯話好飽   所以就咁黎坐   同埋食下我嘅 Cheese Cake   食下傾下   9 點幾就各自歸家 lu ~