今朝去另一間茶餐廳食早餐 終於可以食燒賣粉果喇 食食下嘅時候周圍望 一望就望到老闆兩公婆坐近門口食 真係呢 我仲諗住轉場 依家都係唔好喇 雖然佢地都好好人 但我都係想輕鬆 d 咁食囉 ~
番到菇場靜英英 望住會計部 d 同事做嘢 覺得自己部門真係好得閒咁呀 我發覺做會部嘅人多數戴眼鏡咁架喎 ~
今朝唔係太飽 未到 lunch time 已經好餓 所以一夠鐘就同 8 卦一齊去明星買 2 餸飯喇 $20 一盒真係超抵 餸同飯都超多 已經小飯 都係好多 下次要叫小小飯先得呢 因為樣樣食到一半已經想放棄 不過唔想浪費囉 黎緊呢個月都唔會再食 2 餸飯呀 ~
唔知係咪晏畫耐無食飯 所以飯氣攻心 超勁想瞓覺 平時唔會咁架 ~
放工去 H & M 買手鐲 行行下再買多個斜揹袋 呢間 d 嘢都幾平 間唔中去買下嘢都唔錯呢 ~
今晚要去德福拎嘢 所以行埋 Piago 同 Market Place 諗住里奧大人無咁早放工 點知佢 7 點打黎話放工 果時我差唔多番到屋企咋 所以一番到屋企放低嘢 開機洗衫 之後就預備晚餐 趕到我吖 不過今次煮嘅嘢就超簡單 所以半個鐘頭搞掂 我覺得自己好勁架喇 ~
是日懶餐 - 香煎鯰魚柳 + 腐乳唐生菜 + 蝦子麵
香煎鯰魚柳 - 本來想整吉列魚柳 但里奧大人話爆緊瘡 所以唔想食 不過咁都好 因為我都無咁多時間用心慢慢炸 所以就咁半煎炸算喇 估唔到今次都煎得唔錯 好香口 我用咗 1 條鯰魚柳 煎開咗 4 件 小到不得了呢 ~
腐乳唐生菜 - 之前食剩果 pack 黎架 今次就點腐乳食 我覺得將 "中" 爛咗腐乳舖喺菜面 賣相比較核突 ~
蝦子麵 - 本來想煮蕃茄意粉 不過又係唔夠時間啦 煮一煮意粉起碼要多 10 分鐘 所以煮蝦子麵算數喇 ~
洗哂所有嘢 我又開始好專心焗芝士麻糬喇 又係因為包芝士麻糬預拌粉 5/11 到期 所以我又焗埋比家姐佢地食啦 唔好浪費嘛 ~
估唔到焗麻糬咁簡單 口感同味道同出面賣嘅係一樣 真係超勁開心呀 好似好有成功感 但其實功勞都係包芝士麻糬預拌粉啫 ~
里奧大人去跑步 咁我就拖地喇 微力達纖維地拖真係好好用 又索水 又夠輕 同埋最緊要快乾 好怕 d 地拖 up 到一陣味架 ~
嘩 今晚超過勁攰 所以連衫都唔想熨呀 不過就硬係覺得有 d 嘢未做咁囉 ~
沒有留言:
發佈留言