梅菜蒸鯇魚 + 蒜蓉炒菜心 + 龜板湯 ( 20-nov-2011 )

(  20-nov-2011 sun )

今朝瞓到 11 點 15 分先醒   原來里奧大人唔記得教鬧鐘   所以都番唔必教會   亦都落唔切去食早餐   咁我就煮愛心早餐喇 ~



食飽就熨衫   再開機洗衫   個頭無啦啦痛同埋鼻塞塞咁   所以熨埋衫   飲杯 Hot Lemon 就沖涼休息 lu ~

我依家儲報紙拎去廢紙回收站到賣   都賺到 20 蚊架   食餐 tea 都唔錯丫   本來諗住賣完報紙先食 tea   點知收賣佬又行開咗   所以食咗 tea 先   食住等囉   之後同里奧大人講話見到 7-11 有教友介紹果隻紅酒   佢走去買   明明話買 6 枝   點知買咗半箱番黎   茶餐廳個侍應見到 d 紅酒呆咗   我教友話唔係成日有得買架   同埋一出就好快比人買哂   所以今次見到好感恩呢 ~

唔怪得呢排咁攰啦   原來每月一到   我發覺呢兩次都會頭痛   今次仲好添呀   個肚無咩谷住   醫師 d 藥真係好有效呢   超感恩 ~  

差唔多 6 點半就預備煮晚餐   因為想 7 點食飯   早 d 食早 d 休息 ~

是日懶餐 - 梅菜蒸鯇魚 + 蒜蓉炒菜心 + 龜板湯

梅菜蒸鯇魚 - 本來想買其他魚   但又唔見其他 pack 好咗嘅魚   所以買番鯇魚囉   我覺得好似星期日指定嘅晚餐咁呀 ~ 

蒜蓉炒菜心 - 媽咪比咗我好多薑同蒜頭   所以今餐炒菜啦   我覺得炒菜真係好味 d 呢 ~

龜板湯 - 湯包黎架   加咗 3 條甘筍同埋 $35 豬骨去煲   都好濃味   唔錯唔錯 ~

搞掂哂就即刻沖涼喇   因為要睇 " 法證 3 " 大結局   我好小追 TVB 劇   不過覺得呢套真係幾好睇呢