馬拉盞炒玉豆豬肉片 ( 7-nov-2011 )

( 7-nov-2011 mon )

嘩   好唔想起身呀   呢排點瞓都唔夠咁嘅   唔知係咪太多濕毒呢 ~

今朝食芝腿治烘底   我覺得唔烘底都好食   不過我覺得烘咗無咁肥咁囉 ~

番到菇場忙咗成朝   忙到差唔多 lunch time 先做完呀   今日有 lunch box   唔想成日食 Special K 呀   因為好熱氣架 ~

放工去超市買無鹽牛油   President 太貴喇   所以買另一個牌字   但又有 President 個名架喎   唔知係咪唔同地方生產呢   但價錢差一陪喎   ( President $36.9   我買嘅係 $16 ( 原價係 $17 )   之後再望真 d 個樣好熟面口   原來係我之前喺烘焙店買嘅一樣   咁我都放心 d   所以買咗 3 pack 番屋企   我其實依家仲諗住唔好買咁多醬料   但無又唔得喎   因為我調味唔掂嘛   落咗醬料真係好味 d 囉 ~  

番到屋企好鬼餓呀   又食咗包媽咪麵   之後搞掂哂所有嘢   再開機洗衫    再問家姐食唔食脆米通棉花糖   佢話食我先整比佢呢   第一次失敗咗   ( 好在買 d 平牛油   唔係會好心痛囉 )   第二次相信自己嘅做法   所以成功咗喇   好開心呀 ~

里奧大人又未放工   所以我見有時間就熨衫   之後再預備晚餐 ~  

是日懶餐 - 馬拉盞炒肉豆豬肉片

馬拉盞炒肉豆豬肉片 - 本來就咁炒豬肉   但覺得真係好單調囉   所以頭先買咗樽馬拉盞做調味   估唔到又幾好味喎   咁第時炒菜唔駛成日蒜蓉咁悶呢 ~ 

家姐 8 點幾去到我屋企   我即比 d 脆米通佢試   佢話好味喎   之後比哂佢拎番公司請同事食喇 ~

里奧大人差唔多 9 點先番到黎   不過我都掛住焗嘢無睇時間   佢平時差唔多到屋企附近會打比我家嘛   今晚又唔打   所以佢番黎先煮個蝦子麵比佢食囉 ~