住家飯 @ 媽咪屋企 ( 3-nov-2011 )

( 白灼蝦 )


( 果皮蒸泥猛 )

( 節瓜蝦米粉絲)

( 炒菜心 )

( 翡翠螺 )

( 大閘蟹公 )

( 清補涼螺片豬骨湯 )

( 大樹菠蘿 )

( 3-nov-2011 thu )

今朝諗住又食燒賣粉果   點知離遠見到老闆兩公婆行入去餐廳   咁我即轉場啦 ~

菇場忙咗一陣又等 lunch 喇   無啦啦好想食紅豆沙   所以叫 8 卦幫我順便買埋喇 ~

放工即走 lu   今晚番媽咪屋企食飯   今朝食唔到燒賣   所以好想食呀   去咗 7-11 買燒賣番媽咪屋企食   雖然 d 燒賣唔好食   但 d 豉油同辣椒油就好正囉 ~

 
坐到 8 點半就走人 lu  同埋家姐一齊去惠康買嘢   買咗 4 pack 檸檬茶 + 2 支豆漿   家姐拎到手都震   好好笑   因為次次買好多嘢都係佢拎   其實我都可以拎   我會就住家嘛   如果係米我就一定唔會拎   咁拎 2 pack 檸檬茶都無問題嘅 ~

叫家姐幫手清雪條   佢話順便睇埋電視   一番到屋企就見到里奧大人   我叫佢地齊齊食雪條囉   佢今晚自己喺大陸食埋嘢先番屋企嘛   所以家姐話覺得佢好慘   一個人喺出面食嘢   佢自己唔會一個人喺出面食   情願唔食喎   之後里奧大人比埋佢食嘅刀削麵同豬肉餅嘅相我地睇   家姐一睇就話 " 自己影呢   就切開一半黎影  同我地食呢   就問影完未影完未"   呵呵   不過里奧大人基本上都等我影完先食嘅   除非佢好餓   同埋驚凍咗 d 食物唔好食先催我呢 ~

家姐睇電視   里奧大人上網   我就熨衫   家姐 10 點半就走 lu   我就去沖涼喇 ~