和民居食屋 + 金滿堂甜品 @ 九龍灣 ( 19-nov-2011 )

照燒雞沙律

脆脆炸薯條

和風比薩 ( 叉燒 / 照燒雞 ) 

雞腿肉串 ( 鹽燒 )

鮭魚卷

牛肉火鍋

烏冬

梅酒

椰汁芝麻湯丸 @ 金滿堂甜品

椰汁紫米清心丸 @ 金滿堂甜品

( 19-nov-2011 sat )

今朝特登遲 d 起身   8 點先醒   8 點 25 分出門口   一開手機就有 SMS   原來係家姐問我起身未   之後我再問佢喺邊   佢話喺菇場附近   因為佢唔敢打比我嘈醒我地喎 ~  

尋日佢去咗長洲   買咗 d 魚蛋同芒果糯米糍比我   所以想等我快 d 食   襯新鮮嘛   咁我都即打的喇   咁樣可以一齊食早餐   如果坐巴士   起碼要 25 分鐘 ~  

我同家姐去我平時食果間茶餐廳食   家姐問會唔會見到 8 卦   我話唔會啦   8 卦 off 嘛   同埋如果 8 卦番工嘅話   我會轉場囉   我唔會比 8 卦見到家姐   唔係一陣又問三問四好煩   我好唔鍾意囉 ~

食到 9 點 10 分就走喇   家姐都番屋企 lu   我食嘢買嘢都會諗起家姐   但多數會叫佢自己黎拎   我突然間覺得自己好衰咁呀 ~

菇場次次都係咁嘅   逢星期六實好多嘢做架喎   但我唔做架   除非好 urgent 囉 ~

放工即走喇   去百佳買豬肉   有 7 折呀   估唔到仲有得買   之後再兜多個圈就番屋企 lu ~

Lunch 煮魚蛋蝦子麵   唔好浪費家姐一番心意嘛   食完就開機洗衫   再煲紫貝天葵同煲湯   好充實呀 ~

之後抖下喇   整理 d Recipe   抽起哂想煮嘅出黎   咁唔駛臨時臨急諗煮咩好 ~

今晚同媽咪去和民   本來媽咪想去 APM 架   但我話想煲湯比里奧大人飲   所以話去和民食   咁我 d 時間就好用好多喇 ~

食完再食糖水   超飽呀   唔記得留肚飲湯   所以要留番聽日先飲呀   里奧大人之後就去跑步   我唔去喇   呢排唔知點解好攰   唔想做運動囉 ~