南記粉麵 @ 銅鑼灣 ( 5-nov-2011 )

( 豬腩肉小鍋米線 + 春卷 - 中辣 )

( 5-nov-2011 sat )

今朝幫菇場 shopping 完就去食早餐   爽呀 ~

番到菇場又多嘢做喎   所以好快就到 1 點放工呢 ~

放工即番屋企   因為家姐睇完中醫就黎我屋企坐   我地傾到差唔多 2 點幾先食 lunch   突然好想食車仔麵   家姐第一個贊成 ~

( 煎釀三寶 - 尖椒 / 豆腐 / 魚蛋 )

( 3 條腸粉 $7 )

( 我的蘿蔔 / 豬紅 / 粗麵 ) - 一定要落辣汁  因為個湯係無味架

( 家姐的豬腸 / 豬皮 / 粗麵 ) - 家姐要多辣汁   同埋我同佢多數 share 餸黎食   里奧大人唔食呢 d 餸架

( 里奧大人的牛丸 / 生菜 / 米線 ) - 里奧大人食完就話好辣好辣   家姐笑笑口串佢話 : 你碗叫辣   我碗叫咩呀   你碗湯最淺色架   唔想食 d 米線就話辣做藉口   咁又係喎   佢果碗真係好淺色囉   咩都話辣   但又要跟人食辣   呸 

食完再一齊睇波鞋   大家買同一樣款   風褸又同一樣款   里奧大人話送比我地喎   我都唔會客氣嘅   之後同家姐講   如果上我屋企要講聲先   唔係會撈亂呢 ~

買完就番屋企 hea 陣   出面好熱呀   所以差唔多 4 點半先出發去銅鑼灣   家姐就番屋企喇 ~

去完女人街買嘢   居然見到之前喺葵涌廣場買嘅披肩   仲平幾蚊   所以我又買 4 條   2 條比家姐   1 條比媽咪   1  條比自己 ~

買完再去 Sogo 睇嘢   諗住去 Thermos 買保溫杯   點知個 Sales 態度不知所謂   咁我視線咁啱望住佢個名牌   佢好驚咁即刻擰轉身   驚比人投訴就客人禮貌 d 啦   不過好奇怪   好多店員都打喊露   起碼有 3 個   有 2 個仲係吖大個口   同埋發出 "吖" 一聲   所以我都忍唔住望佢一眼 ~

之後我買背囊   個 sales 好好人   因為里奧大人成日問我係咪用   用先好買   我話會用   然後又問係咪真係用   之前買咗個都無用   咁個 Sales 就話如果啱先買啦   最後決定我都買咗   咁個 Sales 比個袋我嘅時候   好強調話唔啱可以換其他嘢   我覺得佢好搞笑囉   因為好多 Sales 只會叫妳買   妳諗嘅時候就會話買啦買啦咁囉 ~

買完嘢就去南記喇   依家多咗好多印傭黎食   所以好多時都要等位   今次又係食小鍋米線   米線份量又小咗   咁啱我又唔想食咁多米線呢 ~

食完就搭巴士番屋企   點知後面班大陸師奶同細路仔係咁講嘢   嘈到呢   以為架車得佢地咁   其實佢地真係唔知咁樣好影響人架喎   不知所謂 ~

番到屋企飲湯   差 d 唔記得上次喺媽咪屋企拎咗湯番黎添   本來我去跑步架   不過熨完兩機衫   個人都好攰囉   只想即沖涼睇電視   所以里奧大人就自己一個人跑喇 ~