COCO 壹番屋 @ 官塘鱷魚裇中心 ( 12-nov-2011 )

吉列豬扒咖哩飯 ( 5 級辣 ) ( $65 ) - 好香好辣   但鹹咗 d

炸雞球咖喱飯 ( 2 級辣 ) ( $60 ) - 好香  好溫和   里奧大人至啱食呢     

牛肉奄列咖哩飯 ( $65 ) - 無得揀辣架   不過我覺得 d 牛都幾羶囉

例湯 - 無味道嘅

迷你沙律 ( 芝麻醬 ) - 無特別丫

雪糕 ( 曲奇妙趣 / 士多啤梨 ) - 估唔到有兩個球囉 

凍咖啡 - 都唔好飲嘅

( 12-nov-2012 sat )

今朝要番工   但老闆佢地 off   所以 8 卦就約我一齊去食早餐   包唔會見到老闆啦 ~

菇場忙到丫   我後面個同事又無番   我要搵嘅同事又 off   所以我都無乜點做嘢   盡情上網呀   難得後面無人昅住哂 ~

放工去睇中醫   睇完就約里奧大人去麥記食嘢   因為前幾日早餐已經想食魚柳包   不過又唔想食薯餅   但散叫又貴   所以 lunch 食就好最喇 ~

Shake Shake 薯條 ( BBQ 蜜糖 )

我超鍾意食薯條點芥辣   但要比 $1   如果唔駛錢更好   哈哈

番到屋企就煲中藥   今次用電壺煲呀   唔駛睇火好方便   又唔駛開煤氣咁貴   時間又差唔多   唔錯唔錯 ~

里奧大人做公司嘢   我就熨衫同做家務   之後再煮埋蕃茄肉丸意粉比媽咪   家姐又話想比 d 姐夫食   絕對無問題啦   反正煮開   搞掂哂就同里奧大人一齊出門口   順便兜埋家姐去探媽咪 lu ~

見到媽咪都幾精神   有胃口食嘢   只不過有 d 頭暈   可能耳水不平衡   問咗醫生   但醫生又無答   唉 ~

無啦啦超勁想食冬蔭功河   但里奧大人就唔多想   之後家姐話食 COCO 咖哩屋   又好提議喎   佢話之前食過 5 級辣   話好味   所以佢成日再想食   不過無對手 ~

我地又係 7 點 50 分走人   咁就車等人   唔係人等車   香港咁多交通工具   我最鍾意搭 van 仔   因為夠快同埋實有位坐   但最憎一樣嘢係叫落車嘅時候   有 d 司機無反應   真係唔知聽唔聽到囉   同埋如果唔熟落車地方   真係好驚唔知邊度黎囉 ~
去到 COCO 都幾多人等   差唔多等咗半個鐘   不過傾下睇下都好快到我地呢   好感恩有卡位坐添呀 ~
家姐講明食 5 級辣   里奧大人就 2 級辣   我就話食咗點辣先再叫呢   反正 share 食 ~

我話食完想去 Jusco 買嘢   因為收到 SMS 話連續 3日感戲日   所以又有 95 折   去到無咩人喎   咁大家一齊格價嘅時候   我突然心血來潮再睇多次 SMS   原來係下星期先開始   之後佢地就係咁話我成日睇錯嘢   唔好信我咁喎 ~
家姐要黎拎長通粉   所以就一齊坐地鐵番屋企   之後話想睇電視   因為有鬼片   其實都唔係鬼片黎嘅   個戲名有個兇字   又唔係個凶字   再睇多陣知道唔係鬼片   我叫佢番屋企好過啦   所以佢都走 lu ~
里奧大人去跑步   我就拖地   今晚飲咗咖啡都唔係點想瞓添   但上次飲又無嘢架喎 ~