婆婆生日飯 @ 鴻星海鮮酒家 ( 紅磡 ) ( 13-nov-2011 )

榴槤蛋糕 2 磅裝 ( by 沛公 )

( 13-nov-2011 sun )

尋晚喺張床差唔多 3 點先瞓到   其一飲咗咖啡   其二應該係熱呀   好在里奧大人起身開咗冷氣   咁我就當堂瞓得好舒服喇 ~

同里奧大人去大快活食早餐   食完就諗住自己去惠度買嘢   因為有 95 折嘛   因為我要計過度過買嘅錢可以換幾多個印花   如果里奧大人喺度   我要好快手   不過佢又主動話陪我   咁我都講明要計數   佢都幫我計埋呢   如果我買嘅銀碼係 $105   咁我會買多 $20   好過下次要買 $60 先有 1 個印花嘛 ~

今朝里奧大人同佢朋友番崇拜   之後就食 lunch   我就話明話要執書柜   又要抹窗   呢兩樣嘢想做好耐   真係唔想再拖   依排又要探媽咪   無哂時間   所以唔番崇拜囉 ~

熨完衫已經 2 點半先走   啱啱里奧大人打黎話食完   所以叫佢外賣比我食呢 ~

沖完涼再睇陣電視   瞓咗半個鐘就起身煮水餃蝦子麵比媽咪   煮呢 d 湯麵真係唔可以早 d 煮   要諗走先煮   之後仲要分開湯上   唔係索哂 d 湯好難食呢 ~

我叫里奧大人唔好去喇   佢仲趕緊公司嘢   所以我又兜埋家姐一齊去探媽咪   今晚婆婆生日   所以我地 7 點就走 lu ~

之後叫里奧大人喺屋企附近巴士站等我地   我地一上車就打比佢   咁就一齊去紅磡喇 ~

今次媽咪   大舅父一家同第 2 個舅父一家都無黎   所以一圍搞掂哂 ~ 

差唔多 10 點半就走喇   同埋家姐一齊坐巴士番屋企   呢排又攰   尋晚又瞓得唔好   所以番到屋企即沖涼即瞓喇 ~