( 13-JAN-2013 SUN )
8 點幾醒咗 但碌黎碌去都瞓唔到 所以未夠 9 點就起身 好在又唔覺眼瞓 感恩感恩 ~
咁早起咗身 咁就出廳 靜靜地整部電話嘅電話簿資料 搞咗個幾鐘先搞掂 差唔多 10 點 10 分 里奧大人啱啱起身 原來佢教錯鬧鐘時間 好在我又早起身 唔係就肯定又番唔到教會呢 而最離奇係佢餵完魚 好愕然見到我坐咗喺梳化 ~
去麥當勞食早餐 share 一個珍寶餐就好好 因為 share 食我都覺得好飽下 ~
食完番屋企沖涼 抖陣就番教會 依家我真係用心聽道 真係得着更多呢 " 試煉逆境成為生命嘅祝福 上帝能扭轉臨到我地生活嘅試煉 病患或者挫敗唔係自己想揀嘅 所以要用另一角度 ( 大喜樂 ) 去面對 因為結果是值得 有恩典喺當中 " 最緊要係令我更加倚靠神呢 ~
崇拜完畢要即走喇 趕住去 GAP 買嘢 尋日想買果兩件都係無 嗚嗚 又話今日會入貨嘅 不過唔緊要 再睇其他款囉 30% discount 真係幾抵 因為佢地 d 質料都唔錯 我今次都有收穫呀 我地買咗 7 件衫 2 條頸巾 差唔多 $1800 今個月又要慳 d 駛 lu ~
買完已經 3 點 要食嘢喇 里奧大人本來諗住去 Triple's O 食 burger 最後佢又話唔想 其實我都麻麻地 因為我想食濕嘢多 d 所以里奧大人話去星林居 今次又大碗咗喎 不過食完都係口渴 ~
我嘅豬紅豬潤小鍋米線 ( 小中辣 )
我要多蔥多芫茜 因為配菜多咗 米線就會自動減咗份量呢
今次 d 餸份量多咗 唔知下次係咪咁呢 ?!
里奧大人嘅紫菜豬軟骨小鍋米線 ( 小辣 ) - 里奧大人無多蔥多芫茜 但米線份量都好小 @.@
凍鹹檸七
坐 28 番屋企 我就去埋街市買餸先番屋企喇 番到屋企已經 5 點 真係要拿拿聲煲湯呢 ~
戰利品 @ GAP
是日懶餐 - 土匪雞翼 + 青紅蘿蔔栗米無花果豬骨湯
土匪雞翼 - 跟 "鬼嫁" 食譜 不過我減咗蒜蓉同黑芝麻 但一樣好味呀 但里奧大人話味道唔夠出 之後我先醒起 12 隻雞翼就落孜然粉 1 湯匙 我記錯係 1 茶匙 咁我 5 隻就減半份量 落咗半茶匙 唔怪得之 d 味唔出啦 ~
青紅蘿蔔栗米無花果豬骨湯 - 因為尋晚拎埋條豬骨 所以煲湯當豬骨用嘛 再買多 $20 豬展 再加多 2 條紅蘿蔔 + 1 條青蘿蔔 + 2 條粟米 + 3 粒無花果 + 2 粒蜜棗 + 南北杏 2/3 煲水 今次超好味呀 里奧大人話好清甜 但唔係無味果隻 唔知係咪加咗隻鹹豬骨關係呢 ~
9 點先沖涼 呢排條腰同膊頭有 d 痛 所以按摩下 好似鬆咗 d 之後食下零食 里奧大人又啱啱做完公司嘢 所以睇下電視 星期日無咩電視好睇 好多時都係睇番之前錄咗嘅劇集 明珠台 d 劇集真係好多都好睇 但翡翠台果 d 就真係越做越唔掂囉 ~
今晚 11 點要瞓喇 星期一多數要懶一懶床先起身呢 ~
沒有留言:
發佈留言