粟米炒火腿粒 ( 7-JAN-2013 )

( 7-JAN-2013  MON )

星期一比自己瞓到 8 點   話哂星期日瞓到 10 點   瞓小兩個鐘差好遠呀   所以遲小小起身   之後就會教番 7 點 45 分起身架喇 ~

早餐食奶油多   真係好反胃喎   飲埋今日咖啡   聽日轉唔飲咖啡睇下會唔會好 d 先 ~

今朝開始飲中藥   好在係藥粉   同埋好在只係飲 4 日   次次飲完中藥都好飽   因為一定要一口氣飲哂嘛   無理由好似當水咁   口渴先飲呢 ~

Lunch Time 到咗喇   不過勁唔想食囉   因為實在太難食呀   尋晚整嘅肉餅勁鞋同無味   難為里奧大人仲話好食添   但我又唔想浪費   唯有慢慢食   食到 1 點幾   有 3 個同事都問我點解今日咁遲都未食完   我話真係好唔想食呀 ~

食完飯真係覺得飽飽滯滯   其實飯唔多   因為我唔鍾意食飯   飲完熱茶都好唔舒服   之後更慘   想嘔想嘔咁   只想盡快放工番屋企 ~

其實有諗過唔煮飯   不過我又覺得唔好   話哂里奧大人食住家飯機會唔多嘛   所以點都要煮 ~

番到屋企即煮晚餐   就係炒埋星期六食剩嘅火鴨絲米粉   再加埋尋晚食剩嘅雞絲   我依家盡量唔想浪費食物呀 ~

搞掂哂就即沖涼   之後抖陣先開餐   飲埋 d 羅宋湯   其實唔想食架   但驚夜晚肚餓仲慘   唔知食好定唔食好 ~

是日懶餐 - 粟米炒火腿粒

粟米炒火腿粒 - 點都要有 d 蔬菜嘛   所以開罐粟米加 d 火腿粒囉   原來火腿已經過咗期一日   不過唔理喇   照食   仲有細半包就留番聽晚煮意粉 ~

里奧大人差唔多 8 點半就番到屋企   叫佢自己開暖壺拎食物出黎   點知佢無拎到粟米火腿粒   真係呢 ~  

今日里奧大人加人工   好過無啦   因為之前講咗話全公司都唔加家嘛   依家有得加算好啦   咁諗會好 d ~

10 點 45 分睇埋聖經就瞓喇   今晚都係早 d 休息好 ~