炸魷魚 - 媽咪第一次整炸漿 全軍覆沒呀 唔脆 一句講哂 難食 @.@ 我話下次唔好再炸嘢 好驚囉 ^^
糖醋骨
荷蘭豆炒魷魚
髮菜蠔豉眉豆雞腳湯
火龍果 / 雪梨
( 24-JAN-2013 THU )
又星期尾喇 可能無番 2 日工 好似無咩點番工就星期尾咁呢 ~
尋晚臨瞓前好餓呀 不過唔食啦 但就諗定今朝會食麵餐 但當去到餐廳又唔想食麵 因為覺好會超級飽 但唔想食甜嘢 所以食餐蛋治烘底 都一樣咁飽 其實想留番半件番菇場慢慢食 不過驚件多士索哂 d 油仲難食 所以迫住食哂 ~
唔知做咩鬼 個下腹仲扯住痛 好似行下無咁痛 但又唔可以成日行家嘛 ~
Lunch 本來食 Flakes 不過都係出去行下 順便買腸粉魚蛋番菇場食 唉 d 腸粉勁難食呀 食剩 1 條真係要掉 因為又乾又硬 食完仲令到我超級反胃 下次唔再食腸粉喇 ~
終於放工 今晚里奧大人喺公司全天候見客 唔駛上大陸 但唔知駛唔駛同客食飯囉 咁我唔理佢喇 照番媽咪屋企食飯 ~
真係無咩胃口 不過又唔可以唔食 唔係媽咪又擔心 所以叫家姐帶多 d 餸做 lunch box 嘩哈哈 ~
家姐買咗大花膠比媽咪 我第一次見咁大塊咋 應該係花膠扒 媽咪又買咗幾包大冬菇 瑤柱呢 d 真係好有過年 feel 呢 ~
里奧大人 8 點 15 分就放工 所以我同家姐 8 點半就走喇 一入屋就即煮麵比里奧大人啦 等佢一入屋就有得食 ~
幫佢洗埋碗 我就即沖涼喇 之後熨 2 機衫 攰鬼到我呢 ~
里奧大人做完公司嘢就出黎睇電視 咁我又陪下佢啦 差唔多 12 點先瞓 好夜呀 ~
沒有留言:
發佈留言