脆皮燒豬肘配酸椰菜及薯仔 ( $195 ) - 塊皮脆到呢 我真係食到好滿足呀 因為里奧大人食咗好小皮 呵呵 好在 d 肉又唔係好鹹 不過最後都食唔哂 d 肉 要打包呢
大大條骨 / 厚厚嘅皮 / 啖啖嘅肉 啱哂食肉獸呢
好在有酸菜消滯 ^^
呢個 Waiter 密密切豬手 ^^
農夫麵包配牛仔肝醬及香草芝士 ( $40 ) - 真係超級勁好味 個包煙煙韌韌 配埋 d 醬真係絕配
大大條骨 / 厚厚嘅皮 / 啖啖嘅肉 啱哂食肉獸呢
好在有酸菜消滯 ^^
呢個 Waiter 密密切豬手 ^^
農夫麵包配牛仔肝醬及香草芝士 ( $40 ) - 真係超級勁好味 個包煙煙韌韌 配埋 d 醬真係絕配
Maisel's Weisse ( alc. 4.8% vol ) Wheat Beer Germany - 0.5 Ltr. ( $64 ) - 麥味重 不過我無咩研究 哈
( 12-JAN-2013 SAT )
今年轉咗第 2 個星期六 off 真係要好好記得架 因為好驚記錯自己 day off 呢 ~
同里奧大人 10 點 45 起身 梳洗後就去金姆指食早餐 lu ~
番到屋企抖陣 又諗唔到有咩地方好去 咁里奧大人就話去開電話 之後再去旺角睇電話套 夜晚去尖沙咀食德國豬手 樣樣都我鍾意 咁更係好啦 ~
沖完涼就出發買機喇 我今次轉用 Samsung GALAXY Note 2 LTE 因為我想個 mon 大 d 同埋 I-Phone 5 好似無咩特別咁 里奧大人之前又試過同事部 Note 2 覺得觸控好過之前果 d 好多 同埋影相顏色都唔錯 ( 不過都係 I-phone 顏色靚 d ) 呵呵 提早收生日禮物真係好開心呀 ~
買電話都搞咗半個鐘 企到腳遠 搞掂哂就去 Apple 買 earphone 買完搭地鐵出旺角 落樓梯時有人搭我地膊頭 但我 feel 到唔係里奧大人 原來係兒甥女 佢啱啱放工走呢 ~
我地去女人街睇下有咩電話套 平平地買番個算喇 我想買果個電話套時 覺得好熟面口 里奧大人就話咪係想喺泰國買果個囉 果次想買架 不過係 for I-phone 5 所以里奧大人話唔好買 好在真係無買 因為我無諗過自己會轉用 Samsung 呀 ~
買完就去正宗上海生煎皇食嘢 味道一般啦 好在唔係特登出旺角食咋 ~
京汁茄子 ( $18 ) - 好細粒架咋 有 2 粒好似粒骰咁細咋
紅油抄手 ( $26 ) - 無咩特別 d 豬肉係 一 pat 嘅 @.@
生煎包 ( $15 ) - 真係無咩特別囉 @.@
灌湯小籠包 ( $ 28 ) - 又係細細粒都唔緊要 不過唔係粒粒灌湯囉 @.@
凍豆漿 ( $8 ) - 我無飲
我初初以為食完番屋企 點知里奧大人話更唔會啦 原來我 get 錯咗佢意思 丫 我換咗個細袋 所以帶唔到 hand cream 同潤唇膏 又無諗過直落嘛 可能太乾燥 我又無搽潤唇膏 個咀唇好痛 同埋開始敏感添呀 不過我堅持唔會買潤唇膏 ~
食完坐 1A 去尖沙咀 去 McCafe 飲杯熱 Mocha ( $15 ) 同埋食 New York Cheese Cake ( $27 ) 其實我覺得 McCafe 嘅咖啡好飲過 Starbucks 以前去 Starbucks 飲咖啡真係好 relax 雖然間間都好迫 咁都唔係問題 最大問題係依家好多自由行去 嘈過街市呀 ~
Mocha ( $15 ) - 飲第一啖覺得個身好暖好舒服 但其實我覺得呢日係好熱架喎 @.@
New York Cheese Cake ( $27 ) - ok 啦 因為勁想食 點都要買黎食 ^^
食完抖陣就去 Gateway 行下 估唔到 GAP 又有 30% discount 所以里奧大人買咗 1 件衫 想要果 d 又無貨 要聽日再黎過呢 ~
Book 咗 6 點半去 King Ludwig Beerhall 去到都差唔多 full 雖然咁多人 但一 d 都唔會好嘈 實在太好喇 ~
其實里奧大人知我好想食德國鹹豬手同農夫包 所以一定會同我食到為止 同埋我真係好想帶佢試下 不過佢見到隻豬手就諗番起佢以前出 trip 去德國 晚晚食鹹豬手同腸 佢話佢同事可以食得哂一隻鹹豬手 咁我覺得真係好勁呢 因為我地兩個人都食唔哂嘛 ~
差唔多 8 點就走喇 一出餐廳門口就有巴士番到屋企 實在太方便 我仲開心 因為行去巴士站時見到有張 $10 想飛走 我即刻踩住 里奧大人都唔知咩事 之後我話如果我上車前無人黎攞番 我就要架喇 到上車前都無人攞番 無啦啦賺咗 $10 ~
番到屋企開機洗衫 沖完涼再熨衫 搞掂哂就睇電視 里奧大人就幫我整電話 無計啦 我唔識嘛 ~
沒有留言:
發佈留言