住家飯 @ 媽咪屋企 ( 2-JAN-2013 )

茄汁蝦

洋蔥薯仔燜牛腩牛肋骨

蠔油燜節瓜冬菇蠔豉


煎海魚

炒芽菜

百合川貝無花果生斑湯

 

( 2-JAN-2013  WED )

今年第一日番工   又係一個好開始呢 ~

8 點起身   得 15 分鐘食早餐   雖然唔趕   但都係想比多 d 時間食早餐   遲 d 都係轉番 7 點 45 分起身好 d ~  

早餐食扒芝腿治   食咗幾啖突然覺得好反胃   抖咗陣都唔想食   所以拎走做午餐 ~

菇場唔忙 lu   所以靜到我耳鳴 ~

Lunch Time 食埋今朝半年扒芝腿治加多細半杯麥皮   依家開始下定決心減肥   唔再比藉口自己   唔再咁為食   唔為食真係可以減到架 ~

( 本來諗住食呢塊薑餅人做 lunch   點知難食到呢   硬因為呢塊薑餅人係家姐租客比佢嘅   咁家姐唔記得食   我話我未食過薑餅人   所以家姐比我   聖誕節擺到依家呀 @.@ )

今日里奧大人唔駛上大陸   但家姐星期五又唔得閒   所以今晚放工就番媽咪屋企食飯喇 ~

我地屋企人又係好鬼為食   家姐更加鍾意食完飯食完生果再食嘢   最好係甜嘢   好似朱古力咁呢   我反而好小會咁   因為次次喺媽咪屋企食飯   都會飽到上喉嚨   真係咩都食唔落飲唔落呢 ~

同家姐 8 點 15 分一齊走   番到屋企就開機洗衫   之後拖地   里奧大人差唔多 9 點放工   咁我就煮西刀魚丸出前一丁比佢   再切埋木瓜比佢   等佢放工番到屋企   有賓至如歸嘅感覺嘛 ~

搞掂哂就熨衫   洗埋碗就沖涼喇   沖完涼都 10 點半   想做下自己嘢都唔得添   不過我依家每晚臨瞓前都會睇聖經   因為神嘅話語令我有得著   同埋個人會放鬆咗   感覺好好呀 ~