大家樂 @ 官塘 ( 18-JAN-2013 )

爆漿芝士丸 + 豆腐袋 x 2

爆脆響鈴 / 爆漿芝士丸 / 手打肉丸 / 水餃

( 唐生菜 / 娃娃菜 / 粟米 / 蕃茄 / 金菇 / 鮮冬菇 / 豆腐袋 / 烏冬 )

雙份美國穀飼牛

沙爹湯底

豉椒排骨炒河

( 18-JAN-2013  FRI )

又 happy friday 喇   我覺得喺星期五特別有朝氣咁架 ~  

今朝凍咗喇   話就話 12-14度   但又唔係凍得咁交關咁呢   不過我驚夜晚去荃灣   所以我都着咗絲襪衫   有 d 熱呢 ~

其實今朝勁想食麵餐   不過真係好驚食唔哂   所以都係食奶油脆脆豬   食一半已經好飽   但唔想拎走   淋咗唔好食嘛 ~

菇場忙咗陣咁啦   之後就好休閒咁過喇 ~

同 8 卦 msn   講開同屋企人食團年飯   佢團購咗 $700 團年飯   話叫媽咪比番錢   就係呢一句   我就話佢啦   妳自己買咗叫人食   又叫人比番錢妳   果個仲係妳媽咪   妳好意思開口咩   請屋企人食無所謂啦   之後佢係咁解釋呢樣果樣   不過我逐一反駁   我話佢咁嘅心態好唔得   一家人點可能咁計較架   之後我同佢 say sorry   我話頭先講嘢太偏激   你鍾意點就點啦   最緊要自己開心   不過   我真係覺得如果你請父母食飯   不論平貴  父母都好開心  因為你有呢份心意嘛 ~

我完全估唔到自己居然會同佢 say sorry   呢個係我一個好大嘅轉變呀   感恩感恩 ~

今日有 lunch box   已經帶一湯匙飯   但食完都好滯好滯   我估可能係豆卜頂胃呢 ~


丫   今晚本來約咗中醫   但佢 whatsapp 我話佢唔記得咗今晚要出診   所以要改期   咁好啦   約媽咪家姐食飯   反正里奧大人上大陸 ~


勁想打邊爐   不過媽咪麻麻地   所以我想去大家樂   因為有一人邊爐呀 ~

放工即走喇   坐低無耐媽咪同工人都黎埋   家姐就差唔多 6 點半就到喇 ~

如果一個人食個鍋真係好飽好飽   有爆肚感覺   以前我無問題   但依家真係食唔到咁多   所以今晚都係叫一個鍋加配料   再加多個豉椒排骨炒河就算喇   咁樣大家都已經好飽 lu ~

一路食一路傾計   媽咪話我細過好衰架   成日蝦家姐   咩都爭   爭大份啦 同埋媽咪話知我咩都爭   所以買嘅嘢都會一樣   但我都會爭   同埋話我地咩都打一餐   但印象中真係無咩郁手郁腳喎 ~

食完就陪家姐去買嘢   媽咪就番屋企先   之後家姐就落黎我屋企食薯片   諗住一齊睇 "老表 你好嘢"   點知最後變咗佢打機 ~

家姐 10 點半走啦   里奧大人就 11 點先番到屋企   佢食咗件蛋糕仔咋   所以我話整熱 d 豬肉乾   再整多個杯麵比佢   咁就夠飽啦 ~