彩雲軒 @ 將軍澳東智選假日酒店 ( 18-MAY-2013 )

石板京烤豬軟骨 ( $98 ) - 熱辣辣   真係好正   不過 d 醬汁太甜   食到好漏 

不斷係咁滾   食到最尾都係熱

好多乾蔥

台式三杯雞煲 ( $88 ) - 我唔鍾意花椒八角味   食咗一啖無再食喇

意大利黑醋咕嚕肉伴窩粑 ( $98 ) - 咕嚕肉 d 炸漿整得唔錯   同埋個汁酸酸咪咪夠醒胃呢  


蒜香手拍青瓜 ( $32 ) - 食到一半覺得好酸   所以我話要留番最尾食   用黎消滯呢

( 18-MAY-2013  SAT )

今朝 8 點起身   不過無懶床   因為唔想鬧鐘再響   嘈醒里奧大人呢 ~

尋晚超級飽   所以食奶油多算喇 ~

番到菇場勁忙呀   忙到放工   仲諗住有好多私人時間添   人算不如天算 ~

又未餓   所以都係番屋企抖陣   勁想食炸魚皮   又去明輝喇   明輝 d 位都幾迫   不過今次好感恩有卡位   同埋呢間茶餐廳 d 阿姐服務態度好好架   調咗位唔會黑面話妳   仲幫妳拎埋 d 杯同筷子過枱添呀   所以我間唔中都會幫襯佢地呢 ~

好彩今次無咩羶味 ^^

食完又番屋企   4 點半出旺角睇中醫   醫師話我好濕熱   鬼咩   呢幾日都係食炸嘢同飲凍嘢嘛 ~

媽咪屋企電話壞咗   本來諗住教家姐用   家姐再教媽咪   不過里奧大人話直接教媽咪用好過   咁啱媽咪洗衣機壞咗   叫咗師傅黎整   咁我地又順便睇下咩事囉 ~

走咗 2 架巴士   所以坐小巴算喇   個小巴司機超級勁賤格   咁中途有阿婆阿公上車   個賤人居然好大聲喝佢地話 " 快 "   都痴鬼線   咁妳唔好比佢地上車囉   你自己都有父母   自己仍都會有老嘅一日架   賤人 ~

去到媽咪屋企   里奧大人即刻幫媽咪換電話   仲好細心教媽咪用   平時教我呢   我問多次都想殺人咁   衰 ~  

洗衣機師傅差唔多 7 點幾先到   原來係洗衣機摩打嘅打火器壞   咁就換埋啦   反正維修費係里奧大人比嘛 ~

家姐又去埋媽咪屋企   咁我地坐到 8 點就出發去將軍澳喇   book 咗 8 點半   遲咗 15 分鐘呀   因為搵間酒店都用咗唔小時間 oh ~  

家姐有 cash coupon   但 20 號到期   所以叫我地一齊食   真係無試過 3 個人食中菜   感覺好得意   好老餅呀 ~

差唔多 10 點幾就走喇   家姐坐巴士   我地就坐地鐵   番到屋企都差唔多 11 點   沖埋涼都成 12 點先瞓   好攰呀 ~