鹿港老街比我感覺好似淡水 成條街都係食嘢 我最鍾意呢 不過今次真係要忍手 媽咪同家姐講明話唔好買嘢比佢地食 話泰國買番黎 d 嘢仲未食哂喎 咁我買比自己啦 再同佢地 share 咁大家都可以試下 ~
芋丸 - 有素同埋肉嘅 我要有豬肉嘅 加咗 d 辣汁 勁好味
好快就包到一大盤
Line 無處不在
我忍 影咗相當擁有 幾高層次呢
俗俗賣好似等如超抵賣 用 "跳樓拍賣" 黎形容 係咪真係咁抵先 ?!
超大牛角包 同真正嘅牛角一樣 size 咁呀 不過我唔會買黎食 因為個樣唔吸引
蒜頭好出名架 不過里奧大人唔比我買
佢地無啦啦停哂喺度 里奧大人話要行去對面 我話佢唔係咁激穿過去呀嘛
之後佢地又向前行 lu
威廉話好多強國人去廟 要有心理準備
呢架旅遊巴真係好坐得好舒服呢
里奧大人坐喺車影架 因為佢唔知道佢地燒緊咩 所以 zoom 黎睇 原來係拜車頭幾個像 真係咩都拜一餐
真係試食都試飽 唔知做咩 我無啦啦肚痛 可能突然間食得太雜 ~
威廉知我地個個都早起身去機場 今晚唔會太夜番酒店 所以直接出發去逢甲夜市 ~
沿途
玉荷包 - 威廉請全團人食架 不過佢話未係當造 所以會好酸 但我果 2 粒又好甜好多汁喎 感恩
去到逢甲夜市都係差唔多 6 點 頭先又食得飽 無咩戰鬥力 試得好小嘢咋 ~
好多條布 唔知用黎做咩呢 ?!
濕濕濕
官芝霖大腸包小腸 - 威廉超好人 佢幫我地團友排隊買呀 15 分鐘之後先去拎 慳番唔小時間 可以周圍睇下
如果多 d 酸菜就更加好
上次去台北食完炸菇之後就愛上咗喇
綜合菇即係有杏鮑菇 / 鮮香菇 / 秀珍菇 / 金針菇 ( 細 NT$50 ) - 真係好多 最後食唔哂 d 金菇
加咗辣粉 又有 d 淮鹽 又新鮮炸起 woo 外脆內 juicy 勁正呀
喺 7-11 買咗件 "輕便雨衣" ( NT$35 ) - 諗住唔好整濕部相機 點知着咗之後 拎相機影相好麻煩 所以最後都無着 lu
芭樂汁好飲呀
Kebab
里奧大人想食呀 點知一咬個包係凍冰冰 因為佢求其烘熱 所以難食到呢 我叫佢掉咗佢呀 呢個 Kebab 係史上最難食呀 @.@
蚵仔煎 ( NT$50 ) - d 醬汁係辣辣地 同埋都有唔小芽菜 無咁漏架
蚵仔大腸麵線 ( NT$45 ) - 上次無食 今次一定要食 好味呀
食完去光南大批發連鎖店買 2 本膠皮單行薄 (NT$75/本) 我好鍾意行光南 地方又大又多嘢睇 睇睇下嘢 我無啦啦又搞肚痛 好在隔離係麥當勞咋 woo 最緊要係無遲到 唔係要成車人等真係唔好意思啦 ~
8 點到酒店喇 今晚住台中一中時尚商旅 如果唔落雨都會行下一中夜市 不過落雨就唔行喇 休息好過 ~
酒店比我想像中好好好好多呀
衣柜仔
浴室
好在間房有 Wifi 即用 Viber 打比家姐 叫家姐用工人電話打比媽咪 一齊開哂 Speaker 扮三人會議呀 嘈鬼到呢 因為收得唔係咁好呀 ~
聽晚住清境民宿係無電梯嘅 所以大喼留番喺呢間酒店 將聽晚用嘅嘢就放細喼 搞掂哂就沖涼 再用 Ipad 睇戲 睇完即瞓 10 點半就瞓真係好健康生活呢 ~
呢日行程完畢 ^^
沒有留言:
發佈留言