行程 : 自由活動 --> 香港
我一起身 里奧大人就講話朝早比啲強國人嘈醒 但我又聽唔到喎 我仲近住門口位添 真係太好喇 瞓得咁淋 好少有呢 ~
去到食早餐 都見到幾多強國人 因為佢哋係一路行一路食 同埋粗聲粗氣 好容易分到 有佢哋喺度 梗係快啲食快啲走啦 唔係耳聾都似 ~
我發覺台中嘅朝早多數係藍天白雲 但之後就會落雨呢 所以見到好天就要影下㗎喇
每層都唔同主題 不過我只係住咗 11 樓同 7 樓
唔知 2 樓至 6 樓係咩嚟呢 ?!
牆紙好靚呀
里奧大人終於影到呢個牌
油麵都幾好味
饅頭好煙韌 唔錯
要清清熱氣
Latte 實在太好飲 飲咗 2 杯
威廉好好人呀 帶我哋去睇佛同去超市 話哂佢可以唔駛理我哋家嘛 話明自由活動 所以好感恩今次有個好好嘅導遊呢 ~
之後聽到 4 Pair 團友都講話朝早比強國人嘈醒 我問佢當時係幾點 佢話係 5 點半 不過啲強國人係好鍾意開門大聲講嘢同叫人 我喺韶關領教過啦 話完佢哋都唔會聽 佢哋文化係咁嘛 ~
曬到
大佛入口
其實幾特別 因為好少喺街會見到咁大嘅佛像呢
賣車嘅地方 但唔知車頭有紅色花係咩呢 我初初以為係結婚車
楓康超市 - 第一次行地道超市
去完超市買咗 2 包米 再買啲糖同朱古力 咁見仲有時間 我同里奧大人就周圍行 去到一條巷 又見到 "早餐" 呢兩個字 所以走入去睇睇 最後又食埋個漢堡包 里奧大人等包嘅時候 有個男仔好怕怕羞羞同佢搭訕 原來個男仔以為里奧大人係攝影師 係又唔錯喎 好似好 Pro 咁 里奧大師 哈哈 ~
條街無咩人
喺台灣好少見到食早餐嘅地方 因為佢哋多數喺屋企食
芝士煙肉漢堡 - 個包唔太熱 芝士唔溶 好在係里奧大人話食啫
變種麵包超人
大個咗嘅麵包超人 ?! 成身肌肉噃
咁望出去都幾正 靜靜哋
我喺台灣至愛嘅芭樂汁 (NT$20)
我要最後衝刺喇 就係買杯珍珠奶茶 里奧大人一早已經比咗 NT$40 我㗎喇 之後我拎完杯奶茶又掛住影相 行咗十幾步先發覺隻手楂住啲錢 即刻快步行番去比錢呀 ~
呢日未完㗎 ^^
沒有留言:
發佈留言