臘潤腸蒸排骨 + 蒜蓉炒青莧菜 ( 22-MAY-2013 )

( 22-MAY-2013  WED )

今朝 7 點幾電話響   個心離一離   之後聽里奧大人對話   應該係屋企人打黎話唔駛番工   原來果個係家姐   不過家姐唔打黎   我地應該會如常咁沖涼   之後臨出門口先知唔駛番工   因為我地無開電視習慣   同埋里奧大人多數臨出門之前先開電話呢 ~

黑雨警告到 9 點   咁再瞓啦   反正尋晚瞓得唔好   之後 9 點醒咗   又話到 10 點先取消   咁 9 點 45 分起身喇   同埋里奧大人去大家樂食早餐   食完就番屋企沖涼   之後就番工喇 ~

11 點 15 分番到菇場   坐咗無耐就已經 12 點 05 分喇   要去叮飯   好搞笑啦   食完早餐無耐又要食 lunch   不過我 1 點先慢慢開始食   其實都仲未餓 ~ 

話咁快又放工喇   落緊毛毛雨   咁去超市買餸算 lu ~  

番到屋企即預備晚餐   再拖地   之後就煮飯喇 ~

是日晚餐 -臘潤腸蒸排骨 + 蒜蓉炒青莧菜

臘潤腸蒸排骨 - 想整肉醬意粉   不過又驚整得好多要食幾日   所以唔整喇   都係蒸排骨算喇   夠方便 ~

蒜蓉炒青莧菜 - 之前 $10 / 2 pack   之後就 $12 / 2 pack   依家 $15 / 2 pack   不過今次買嘅青莧菜好乾淨   同埋份量都好多   但唔知喺街市買 $15 有幾多呢 ~

里奧大人 8 點半先放工   好在我食先咋   我盡量希望 8 點前食哂飯   多 d 時間消化嘛 ~

洗埋碗都 9 點幾   即刻沖涼喇   再睇多陣 Just for Laughs   10 點 15 分開始頂唔順   即入房瞓喇 ~