Day 3 ( Part 2/2 ) 笑笑笑 ♡ 台中清境農場 4 天團 ( 14-MAY-2013 )

繼續行程  Part 2 ( 14-MAY-2013  TUE )

食飽坐船睇日月潭   吹住海風真係勁想瞓呀 ~

舊時用黎捕魚嘅小艇   但有個超大魚網呢

 

我覺得其實無嘢好睇

拉魯島 - "日月潭之內唯一的小島  也是日潭與月澤的分界線"   之前比遊客上去架   不過因為強國人食煙   燒咗個島一部份呀   所以之後唔比人上去喇

呢個所謂嘅島真係超級細

日月潭酒店

呢個涼亭   係蔣介石同夫人談心嘅地方呢

到碼頭喇   又想落雨

威廉話 "朝霧" 有洗手間   我以為佢講嘅係 "招募" 呀

又坐車去埔里酒廠   超勁開心呀   有得試食同試飲   我最鍾意食食食   最開心係試食好多唔買又唔會鬧嘛   不過我最後都買咗 1 袋零食   要收手 lu ~

女兒紅

拎杯黎試下先


細細杯   對我黎講係好多好多   我飲咗 2 滴就比哂里奧大人飲喇

紹興米糕 - 第 1 啖有酒味   之後無 lu


買咗 2 包糖蔥餅 + 2 包黑糖薑糖 + 1 包薑糖

整緊麥芽糖

正

埔里酒廠出面
 

好多都空 nel nel


好喇   去一福堂太陽餅店喇   摩打手試食   哈哈   但 d 太陽餅超唔好食   不過好食都唔會買   因為之前試過食 2 盒太陽餅   食到好驚   到差唔多上車嘅時候   我先記得無影相呀   真係超級為食   我應該係一落車就咩都唔理走去試食   好在里奧大人唔為食同埋鍾意影相   我地真係夾到呢   嘩哈哈哈哈 ~

唔好講笑   真係試食試到飽架   如果再逗留耐 d   我會忍唔住手買番香港   買嘢最開心嘛 ~

見到綠茶雪糕就買比里奧大人食   不過好鞋口囉 @.@

里奧大人坐窗口位   所以叫佢得閒幫我影 d 雲

呢粒鑽石麥芽糖   一拻就變哂形   同埋原來係唔好食架 @.@


去茶館喇   我無咩興趣   可能我唔鍾意飲茶   又唔識飲咩叫做靚茶   加上要 NT$2000 一盒   雖然買一送一   但我都覺得貴囉 ~

飲飽食醉就去勤美誠品綠園道   即係誠品   所以我同里奧大人都好開心   可以買平書   不過呢間誠品好細   有 d 失望囉 ~

番到酒店都差唔多 8 點   威廉 8 點 15 分喺 Lobby 等我地所有團友   帶我地去一中夜市   不過佢帶我地去到一半路   再指埋比我地睇   佢就番酒店呢   真係好在佢帶路   唔係都唔識   同埋都要行幾遠呀 ~

去到差唔多 9 點   真係開始餓喇   但如果檔口無人等呢   就算幾餓都唔會去買架   唔想嘥 quota 嘛 ~

見到光嘅地方   就係一中夜市喇

超好味呀 ~

50嵐 ( NT$30 ) - 超勁難飲嘅珍珠奶茶 @.@

花枝丸 ( NT$10 ) - 超抵食又好味   里奧大人再行去買多串黎食添呀

539 鹽酥菇 ( NT$50/細 ) - 熱氣都要食呀 ^^

今次只係要杏鮑菇同香酥菇

碳烤腸   黎台灣一定食腸   仲要係 NT$10 條   抵到爆

企喺度食   食完先記得自己無比錢   好在後尾記得比番咋

雖然五顏六色好吸引   不過黎到台中   我對中式點心無咩興趣喇

里奧大人堅持飲西瓜汁   要清熱氣呀

都多人   但唔迫   同埋我覺得一中夜市好細   無咩嘢食咁囉

呢 d 檔口仔先好食架


大腸麵線 ( NT$40 ) - 正呀

滷水檔 - 好多食物係黑媽媽   根本唔知係咩呢

買咗血糕 + 腸 + 丸 ( NT$30 ) - 加咗蒜蓉同辣   都幾好味

一中無咩嘢食咁噃   不過我最主要都係食炸菇同大腸麵線   行咗 2 次都無咩嘢好食   最後買咗 d 滷水嘢比里奧大人送杯麵   對腳好攰   所以打的番酒店   好似 NT$90   無跳標   但個司機就勁有禮貌   叫我地睇車   同我地講謝謝同拜拜   如果喺香港   十居其九都黑面同埋整到架車好 chok 架   衰到爆 ~

里奧大人真係好鍾意食杯麵   一番到酒店即煲水   之後真係成個食哂呀   勁 ~

瞓晚瞓得唔好   今晚 11 點半就瞓喇   里奧大人就差唔多 12 點 load 完先瞓呀 ~



呢日行程完畢 ^^