今朝 6 點 45 分起身喇 去旅行真係幾早起身都無問題 同埋一定唔會懶床 哈哈 ~
沖埋個靚涼就出發喇 今次坐 A22 去機場 去到等咗 5 分鐘就有車 感恩感恩 ~
沿途開始落大雨 個天黑哂架 所以我都預咗台中都唔會太好天氣 ~
Feel ~~~~ 咁諗會開心 d ^^
9 點集合 不過我地 8 點半已經到咗 所以即打比領隊安娜小姐 估唔到佢已經到咗集合地點 咁點完名就自己去 Check-in 再去番集合地點 真係好彩里奧大人有聽嘢 因為我 Check-in 完之後就話去食早餐 無計啦 尋晚半夜餓醒咗嘛 所以勁餓呢 ~
我地到咗無耐 其他團友都到埋 lu
我地係 E 組
大大份早餐 @ 美心 - 今次我堅持自己食一份 因為真係超級餓呀 不過食完真係超級飽 因為有埋碗火腿通粉 + 餐包仔 衰里奧大人又唔幫手食
食完周圍行下啦 第 1 次去 521 區登機咋 無咩人嘅 之後再坐架車 一落車即上機呢 ~
曾經超勁鍾意嘅公仔 ^^
小貓 3 隻
旅行好拍檔
明明係 11:30 am 機 點知 12:05 pm 先起飛呀 網上討論都話 UO 成日遲架喇 所以都有心理準備囉 去台中都係 1 小時 10 分鐘 但遲就遲半個鐘 都幾離譜下噃 ~
唔知係咪遲起飛 我地坐低無耐就開機 之後派飛機餐 食完抖陣咋 就話到台中 快到呢 ~
熱辣辣星洲米 不過無味的 @.@
去到機場 Check-in 無咩人排隊 同埋佢地開咗幾個 Counter 咁就應該可以好快搞掂啦 我明明企喺里奧大人嘅隔離 點知要我去老遠嘅 Counter 佢一睇我本護照就縐哂眉頭 係咁揭我本護照 又問我有無去過台灣 又問我喺邊度黎 之後又用放大鏡睇本護照 因為我出生地 HONG KONG 呢 2 個字化開咗 可能覺得係假護照啩 企喺度都搞咗差唔多15 分鐘都唔比我走 之後另一個人見唔對路 又叫我行去佢個 Counter 又係問埋同一堆問題 之後里奧大人又同佢講話本護照好舊 所以 d 字化開咗 唉 經此一役 本護照未到期都照換喇 唔想咁煩呀 咩 mood 都無哂 ~
終於差唔多 1 點就出得去喇 里奧大人第一時間去買電話卡同唱錢 今次兌換率係 NT$3.681 所以唱咗 HK$3,500 (NT$11,043) 不過買唔到電話卡呀 導遊威廉先生話今日係母親節 所以機場呢間會休息 好在機場有 Wifi 即刻用 Viber 打比家姐 話安全到埗 同埋可能夜晚去逢甲夜市先到電話卡 又或者到酒店用 Viber 再打比佢呢 ~
13:15pm 到埗 ( 話就話 11:30am 起飛 咁依家 13:15pm 先到 你話係咪離譜呢 )
清泉崗機場真係超細 得 1 條行李輸送帶架咋
安全到手 ^^
等齊人都差唔多 2 點 lu
身心康泰旅遊巴等緊我地喇 woooo ~~
好舒服嘅座位 係二一座位 兩公婆係要痴埋家嘛 哈
行程 : 台中機場 --> 鹿港老街 -->鹿港天后宮 --> 逢甲夜市 --> 一中時尚商旅
第一站去鹿港老街 一出車已經落雨 唔通真係貴人出門招風雨 ?! 去到鹿港老街 跟住威廉行呀行 佢介紹 d 地道食物比我地知 等我地一陣買黎食 再帶埋我地去鹿港天后宮 不過我地無跟喇 周圍食下嘢影下相好過 ~
貴人出門就係咁架喇 呵呵 ~~
落大雨都可以噴到咁多煙 勁
好在到鹿港就無咁大雨咋 感恩
其實落雨真係比較麻煩 個人整濕咗都無咩嘢 整濕部相機先麻煩呀 所以我叫里奧大人負責影相 我負責拎遮同埋試食 天作之合 ~
呢個女仔唔笑個樣都幾惡架 我地買咗 2 盒南瓜子 臨走仲比 2 大粒我地食 真係食到好飽囉
熱辣辣好味呀 但唔可以買太多 淋咗唔好食嘛 所以今次我忍到手 里奧大人話好難想像我話唔買咁多呀 呵呵
黎台灣要飲百香果 ^^
牛舌餅 - 無咩味道 但又好食喎 可能脆卜卜啦 試食都好大塊架 唔似香港咁丁丁塊
好多素食
我影緊相嘅時候 老板娘叫我影呢 part 話呢 part 擺得靚呀 so nice ~~
望呢邊啦 唔駛怕羞架 cheeseeee ~~~~
其實成條街買嘅嘢都差唔多 同埋好多都係家庭式作業
超大包蝦條蝦片薯條 真係好似 10 公斤嘅米咁巨架 半個人咁高 勁想攬包黎影相
大小牛耳 好得意呀 大牛耳真係當扇咁撥都得呀
勁想買包細嘅蝦片番香港 不過又無得試食 唔買 lu
麻油 - 勁想買 不過驚漏油 到時真係咩都無架喇
呢日未完架 ^^
沒有留言:
發佈留言