Day 2 ( Part 1/3 ) 笑笑笑 ♡ 台中清境農場 4 天團 ( 13-MAY-2013 )

( 13-MAY-2013  MON )

是日行程 : 中台禪寺 --> 小瑞士花園 -->清境農場 --> 娜魯灣渡假山莊

7 點 morning call   不過我地多數早 15 分鐘起身   沖埋個涼先落去食早餐 ~

個天空靚到呢   因為我知道台灣呢幾日都會落雨   見到藍天白雲係好開心架 ~

我嘅早餐


里奧大人嘅早餐   我叫佢影自己果 d   我可以專心食   哈


咖啡機沖嘅 Latte   好飲呀

威廉話要食西瓜   因為好甜又多汁   正

餐廳面積雖然細   但拎食物嘅地方都好闊落 

成日差 d 唔記將 d 餐盤放喺餐車   同埋佢地會有個桶裝廚餘

住 11 樓

差唔多 10 點就去到中台禪寺參觀   真係好宏偉   同埋好乾淨   上次去韶關個華南寺真係污糟到不能再污糟呀   完全係趕客   但呢間中台禪寺   真係好有興趣參觀同影相呢   同埋我地呢團超級感恩   因為知道好多關於中台禪寺特別嘅嘢呢 ~

又想落雨喇 ~

不過呢度都好多強國人   所以唔駛望後面   聽到 d 聲都知佢地入咗黎   佢地一走   間禪寺又回復寧靜   但我唔鍾意佢地唔識尊重   去到禪寺門口   有個小朋友玩電動飛機   大人又食煙   話哂呢 d 地方係要靜家嘛   佢地喺度   真係嚴重影響其他人呀 ~

入去參觀喇


d 圖案都幾靚   呢對面好似有 5 噸定 6 噸重架   以為好難開   佢地加咗條軸   話咁易就可以堆開呢
 

我鍾意呢 d 門柄

笑佛 ?!   佢坐住個布袋   意思係放下咁嘅意思 ( 好似 )

好大隻   不過唔知係咩來

天花板都好靚架

四大天王 - 每個天王其實係一條巨柱   用黎支撐整間寺廟嘅   因為一塊面唔能夠遮住巨柱   所以設計師問老和尚有咩意見   老和尚就話天王都有唔同面孔   所以設計師靈機一動   將天王設計成   4 個面孔黎遮住條柱喇

鐘乳石


入去睇喇

觀音像


佢地上黎我地就走喇   驚



呢間廟嘅設計都好新穎

無聊買黎飲   幾好飲架

細細荷花池

差唔多 12 點就走喇   出發去食 lunch   12 點半食已經有得食喇   呢團有 32 人   我地呢枱係坐 10 人   係 4 pair 夫婦 + 2 個女人   我見到 d 餸一上台   第一時間話唔好意思   我要影相做記錄   之後佢地原來都會影相做記錄架   影完一個到一個   又有傾有講   好開心呀 ~

台中時令特產美人腿   其實係筍 - 我無食呀   團友話都幾多汁   但係無咩味呢

唔記得係咪南投雞   因為對腳係黑色就應該係囉

蒜泥白肉 - 醬油膏好味呀

蒸龍脷柳 ?!   我無食呀


新竹米粉 - 無咩味   所以點雞嘅辣椒豉油黎食   當堂正到爆


炒高麗菜

炒菇什 - 無食

芽菜炒雞柳 - 黑椒汁好好味

唔記得咩咩子   不過口感好林 patpat @.@
 

食完就出去行下   影下相   再去埋洗手間就去另一個景點喇 ~

巨型 Angry Bird

用豬仔錢罌搭架   好有心機呢

露天 Cafe

入去睇下咩先   其實係去洗手間必經之路


環保

我覺得好恐怖   唔識欣賞

唉

呢日未完架 ^^