豬腩肉 + 豬紅酸辣小鍋米線 ( 小辣 ) - 我北咗一匙家姐碗大辣湯底 飲咗半匙 頂唔順 所以將其餘半匙做我嘅湯底
豬腩肉 + 豬腸酸辣小鍋米線 ( 大辣 ) - 其實家姐碗顏色深我好多架 @.@
腐乳通菜 - 食咗幾條 無啦啦有隻蚊滋飛咗落 d 腐乳度 即刻同佢地講 佢地 cancel 碟菜 因為無哂通菜 我又唔想食生菜 慳番
( 3-MAY-2013 FRI )
Happy Friday 喇 又凍凍地 不過就無尋日咁凍喇 ~
今朝去拎 AM730 話明要排隊嘛 左右排嘅 如果 d 人喺中間度黎 阿姐係唔會排 因為咁樣 d 人就會搶 差唔多到我時 有個差唔多 60 歲嘅阿婆喺中間度拎 咁阿姐唔比 佢打阿姐呀 阿姐對眼鏡都差 d 趺落黎 之後好喇 有位阿叔係咁用粗口鬧阿婆 我覺得個阿叔好似傻傻地咁 超級勁大聲鬧佢打咩尖呀 做咩打人呀咁 不過問候人居多囉 實在超勁大聲 個個都望住阿叔方向 不過咁 阿婆又真係抵鬧 排隊都係十幾個人 駛唔駛咁急拎呀 仲郁手打人 真係痴痴地架 人地打工架咋 ~
早餐食芝腿治烘底 我鍾意夾扁黎食 等 d 芝士快 d 溶嘛 其實我係麻麻地火腿 但又鍾意食芝腿治 係因為未嫁之前 媽咪成日買芝腿治我食 所以我次次食芝腿治都覺得好開心呢 ~
菇場靜到無法形容啦 阿 head 又已經唔番菇場 真係唔駛再扮有嘢做 ~
今日有 lunch box 食完就出去買嘢 1 點半準時番到菇場開工 ~
放工去荃灣搵表妹剪髮 大雨到呢 家姐就 7 點左右到 傾下剪下 8 點半搞掂 家姐請剪髮 咁我請食飯啦 ~
表妹番屋企食飯 我就同家姐食酸辣米線 原來家姐好想食 話如果佢一個人就唔識去 所以無得食 但同我去就可以一齊食喎 我覺得自己好勁架 認到條路點去 因為我要記住條路 要帶家姐同里奧大人去食嘛 呢個就係我去記住嘅原動力喇 ~
講開原動力呢 3 個字 果時初初番菇場好悶嘛 我 frd 叫我開 msn 一齊傾計 之後就日日傾 我同佢講 同佢 msn 係我番工嘅原動力 佢即刻話搵錢先係佢嘅原動力 衰 ~
買埋桂花糕就走喇 同家姐講上次買包好果 d 桂花糕出水唔好食 所以今次要買自己點果 d 要兩盒 2 件桂花 1 件紅豆 咁就唔駛要包好果 d 之後同家姐講 因為里奧大人要 3 件桂花同 3 件紅豆 所以咁買好 d 家姐碌大對眼同我講 但妳依家 4 件桂花 2 件紅豆喎 咁妳係咪應該 2 紅豆 1 桂花 另外一盒 1 紅豆 2 桂花呢 嘩哈 係喎 我話我都會食桂花糕嘛 家姐話唯有咁講啦 ~
同家姐坐 van 仔番屋企 實在太好喇 可以一齊坐車 以前各有各坐車番屋企架 我真係唔鍾意呢 d 感覺 ~
里奧大人 7 點幾已經喺大陸放工 平時又唔見咁早放 正衰人 ~
沒有留言:
發佈留言