蘋果沙律 + 韭菜餃子出前一丁 ( 6-MAY-2013 )

( 6-MAY-2013  MON )

今朝好餓呀   所以食出前一丁麵餐   食到一半個胃好痛   不過點都食埋去啦   但之後又無事喎   只係感覺到勁飽啫 ~



菇場有嘢做   但好快就做完 lu   又等 lunch time ~

真係好飽   所以 1 點半先開始食麥皮呢 ~

無啦啦個肚扯住痛   行又唔係坐又唔係   都幾辛苦   放工即番屋企沖熱水涼   沖完好小小啦 ~

7 點 15 分忍唔住打比里奧大人   同佢講我唔舒服   佢即話番屋企先做公司嘢呢 ~

是日懶餐 - 蘋果沙律 + 韭菜餃子出前一丁


蘋果沙律 - 今次落重本啦   用咗 6 個富士蘋果 + 2 罐椰果 + 1 罐粟米 + 1 罐紅腰豆 + 1 罐大樹菠蘿   咁嘅份量   分埋比媽咪同家姐就啱啱好喇 ~ 

韭菜餃子出前一丁 - 呢次係有史以黎最慘痛嘅一次   事緣尋晚成盤餃子放入冰格   點知當我想煮嘅時候   所有水餃皮都痴住哂個盤度   ( 因為 d 水餃漏咗 d 水出黎   唔知係咪因為太多韭菜呢 )   又剷唔到   但無理由成盤唔要嘛   咁我就開火加去慶熱去   但都唔得   唯有加 d 水喺個盤度隔水煮   超難度啦   因為個盤大過隻鑊嘛   要打斜個盤黎煮   見 d 水餃甩甩地就即倒哂落鑊煮   但皮肉分離哂啦   嗚嗚   無眼睇   但都要食囉   所以就煮個丁麵比里奧大人   同埋叫佢見到碗水餃唔準出聲   咁佢都知咩事啦   哈哈 ~