打邊爐 @ 家姐屋企 ( 14-JUN-2013 )

墨魚卷


手切牛肉

牛柏葉 / 豬皮 / 魷魚

魚蛋 / 魚腐 / 墨魚丸 / 牛丸 / 芝士丸 / 龍蝦丸 / 龍蝦丸 / 蟹粉丸 / 蟹柳

炸魚皮

芫茜皮蛋豆腐馬蹄湯底

辣椒豉油

芝麻醬

沙示

( 14-JUN-2013  FRI )

呢兩晚發夢   都有斬人畫面   好恐怖呢   我又無睇恐怖戲   壓力又唔係大喎   奇怪   總之無覺好瞓就最慘啦   發埋呢 d 夢   醒咗好難瞓番架 ~

今朝唔太餓又唔太飽   所以食熱狗餐   最鍾意食腸呢 ~

菇場唔忙   所以又靜到耳鳴啦   勁想篤穿隻耳仔   哈 ~

今日有 lunch box   同事見到我有薯仔餅   問我係咪出街食   因為我唔似會煮呢 d 餸喎   因為做法比較麻煩   呵呵 ~

里奧大人今日又見客   所以唔駛上大陸   咁我就去媽咪屋企拎嘢    之後就等家姐車我去佢屋企打邊爐   點知勁勁勁勁塞車   個半鐘先去到媽咪屋企   坐到人都顛呀 ~

去到媽咪屋企坐唔夠 10 分鐘   家姐打黎話佢已經喺樓下   我又即落樓喇   woo ~

家姐之前話番佢屋企嘅方向超勁塞車   感恩我地番去嘅時候無塞車呀   唔係又唔知等幾耐呢 ~

8 點開餐   打邊爐有樣好   係可以淥定 d 丸先   咁一埋位就食得   爽呀 ~

今晚勁呀   唔駛開冷氣打邊爐   因為家姐屋企好大風   真係好似打到黎咁架   如果我屋企係咁就好啦   嘥番冷氣錢 ~  


食完抖陣都 9 點半   家姐車我番屋企   之後里奧大人又差唔多番到屋企   今朝同佢講   睇下我幾點番到屋企   如果早就煮麵比佢食   估唔到佢又記得   話係咪煮麵比佢食喎   好啦   咁我煮個水餃出前一丁比佢啦   唔想無口齒   哈 ~
  
搞掂哂就沖涼   我唔係咁鍾意臨瞓前先沖涼   我會覺得成身熱辣辣   加上又吹埋頭   成日慶合合   好難入睡咁囉 ~

陪里奧大人睇陣電視   我 11 點 15 分就入房瞓喇   聽朝要番工嘛   oh ~