住家飯 @ 媽咪屋企 ( 19-JUN-2013 )

花蟹蒸蛋

鹹酸菜炒牛柳

陳皮絲蒸鮑魚

瑤柱燜節瓜

黑豆眉豆豬腰豬骨湯

芒果

西瓜

糯米糍 - 好甜   同埋超細粒核

( 19-JUL-2013  WED )

里奧大人今朝落到樓下先知道無帶銀包同電話   又要番上屋企攞啦   咁我幫佢買麵包先   反正我唔趕住番工   如果唔係就唔會理佢架喇 ~

又唔係好餓   所以食奶油豬仔包   呢期真係勁想食燒賣粉果   真係搵日食番夠本先 ~

番到菇場無耐   聞到陣燶味   原來係司機叮糭   叮到個微波爐出哂煙呀   之後成個 pantry 都係煙   好在無爆炸咋   如果觸動咗灑水系統就麻煩喇   所有文件同電腦一定報銷   都時陪條命都唔掂呀   之後去洗手間見到隔離公司阿姐   佢話佢地聞到好大陣燶味   幾驚係火燭呀 ~

之後我地開行冷氣   開哂門   管理處黎埋開天窗   前後門走火通道都打開哂   但都仲係聞到好大陣膠味   慘 ~

我同幾個同事都帶咗飯   我就一定唔叮架喇   問佢地   佢地都唔叮   梗唔叮啦   成個微波爐薰到黃哂   仲有成大陣膠味   搵妳叮咯真係 ~

咁我即約 8 卦食 lunch 喇   食完行陣就番菇場   因為見到好大舊烏雲呢 ~ 

飯氣攻心   個人唔係眼瞓   不過係呆呆滯滯咁囉 ~

今晚番媽咪屋企食飯   放工要帶埋飯盒番媽咪屋企食添呀   家姐仲話想試我 d 洋蔥豬扒   我話試咩鬼丫   又唔係好味   食新鮮餸好過啦 ~

同家姐 8 點半一齊走   我番到屋企即開機洗衫   再換埋波鞋就去散步喇   今次勁呀   不經不覺就行咗 20 分鐘   好似行咗 7 個圈 ~

番到屋企已經見到里奧大人啦   仲以為我唔記得熄冷氣   我話特登開定比佢架   之後同佢傾陣計   我就沖涼喇 ~

依家出去散步   番到屋企就沖涼   睇陣電視就瞓   d 時間過得好快咁呀 ~