Green Monday 魚香茄子 + 薑蔥撈麵 ( 24-JUN-2013 )

( 24-JUN-2013  MON )

今朝黃雨   所以都係帶直身遮好 d   唔帶縮骨遮   個袋真係輕 d 架 ~

Green Monday 嘅早餐又係芝蛋治烘底喇   其實想食鮑片米粉   不過驚係螺片   如果係素鮑魚就好喇   可以多個選擇呢 ~

番到菇場實在太開心喇   因為 partner 調咗去我後面   同我好傾嘅會計同事坐 parnter 個位   咁可以一齊傾計   唔駛咁悶 ~

Lunch 食麥片   2 點幾再食埋個菠蘿包   次次買咗包反而唔想食   但唔買果次就會好餓喎   煩 ~

放工去街市買薑蔥同茄子   之後再去超市買浙醋   無耐家姐打黎問我借開紅酒器   所以買完要即刻番屋企喇   放低 d 餸就接到家姐電話   又要落停車場交收   woo ~  

番到屋企預備晚餐   再開機洗衫同拖地   搞掂即煮晚餐   7 點半正想開餐   里奧大人打黎話放工   丫   不過我都照食先喇 ~  

是日懶餐 - 魚香茄子 + 薑蔥撈麵

魚香茄子 - 買 2 條大茄子   煮埋好鬼小   但驚買 3 條又好似好多咁   今次用魚香茄子醬   真係好似街食咁 ~

薑蔥撈麵 - 買咗 4 條蔥   諗住煮茄子用 2 條   點知唔記得加蔥黎粉   所以食麵用咗 4 條蔥   但其實 d 蔥都係食唔哂   我用蝦子麵點醋   不過我覺得蝦子麵同醋唔夾咁   都係銀絲麵好食 d   所以下次都唔咁煮喇 ~

里奧大人唔會同我一齊 Green Monday   所以我煮個水餃一丁比佢   佢見到碗茄子就話下次唔駛要茄子都得   但我覺得佢話唔要餃子就更加好啦   之後食茄子嘅時候又話好油好油   麻麻煩煩   我落 1 湯匙油之嘛   出街食果 d 茄子咪仲多油   茄子仲炸埋添啦   之後呃佢話 d 茄子無落油架喎   要佢食哂去 ~   

沖完涼都只係 9 點 15 分   實在太好喇   里奧大人唔駛做公司嘢   自己睇戲   我就睇 Just  for Laughs   佢之後話好攰   10 點15 分就瞓   不過其實我都好攰   所以我 10 點半都瞓啦 ~