黑椒炒雞絲 + 椰菜 ( 23-JUN-2013 )

( 23-JUN-2013  SUN )

今朝 8 點幾起身去廁所   之後里奧大人出咗去   但又無番入房   不過我無理佢做咩   我自己繼續瞓   瞓到 10 點自己醒呢 ~

之後里奧大人話睇錯鐘   話 6 點去廁所   因為個天好光   以為 8 點   所以開機洗衫   咁起身可以浪衫   之後 8 點幾醒咗又瞓唔番   所以又換埋魚缸水   再睇聖經咁等我起身囉 ~

去金姆指食早餐   食完就番屋企沖涼   抖陣就番教會 lu ~

崇拜完畢就叫里奧大人陪我去百住買菜   之後去買鞋   今次買咗 3 對鞋   真係睇啱就要即買喇   因為之前搵咗好耐都唔啱心水呀 ~

買完番屋企抖陣   差唔多 2 點半又去 Cafe Lagoon 食 tea   今次無咁嘈   但甩甩漏漏呢   唉 ~

里奧大人做公司嘢   我就睇下雜誌   抖抖咁啦   6 點半就開始煮飯喇 ~

是日懶餐 - 黑椒炒雞絲 + 椰菜

黑椒炒雞絲 - 今次用雞肶拆絲   我又用光波爐焗熟佢喇   咁我聞到好香嘛   就問里奧大人聞唔聞到   佢話聞到呀   以為係隔離屋煮到咁香   同埋佢估唔到係我焗緊雞肶   因為見我坐喺梳化度喎   大佬   唔通企喺度望住個光波爐咩   有時間制家嘛   同埋開住個爐係好鬼熱架 ~   

椰菜 - 黑椒熱氣   所以淥菜算喇   其實係我唔想炒   淥菜方便嘛 ~

食完抖陣   我同里奧大人講   一陣行德福當散步   咁差唔多 8 點出發   順便拎對皮鞋去補   不過收咗舖 lu ~

里奧大人又話唔準一路行一路睇   點知佢自己睇中咗對鞋   咪又要入去睇   樣衰啦   自己打自己咀巴   差唔多行咗半個鐘就番屋企喇   但我發覺呢 2 晚喺商場散步   無喺街度散步咁精神咁架 ~