今朝 9 點起咗身喇 喺屋企食早餐 之後沖涼 抖陣就上網喇 ~
同媽咪去稻香飲茶 所以我 11 點出門口攞位喇 估唔到要等 2 張枱 好在等咗 10 分鐘就有位 ~
媽咪 11 點半黎到喇 拎堆 d 餸比我 有條魚 最勁係買埋蔥比我 好細心呀 哈哈 ~
甘荀汁流沙包 - 好抵架 $6.8/籠 同埋都幾好味 因為諗住 $6.8 係求求其其整添 隔離枱仲勁 5 個人叫咗 4 籠 仲見到有籠叉燒包 真係食包包食飽咯
上素蒸粉果
鼎湖腐皮卷
沙律韭菜角 - 實在太飽 所以要打包番屋企食 好彩拎番屋企咋 因為我咬一咗啖 原來有蝦 所以比哂里奧大人食呀
風味炸兩腸 - 油炸鬼唔脆嘅 @@
韭菜豬紅 - 有 d 沙爹醬味道 都幾惹味
油雞切雞飯 - 飯嘅份量都好巨
食下飲下停下傾下 坐到 2 點半 勁呀 ~
陪媽咪去美心拎西餅 再送埋佢打的就番屋企喇 唔行喇 因為落緊毛毛雨呢 ~
里奧大人今日食完 lunch 就去深圳見客 好感恩 6 點 15 分已經番到屋企喇 咁可以早食飯早休息 ~
好在 5 點開始預備煲湯 唔係6 點先預備就覺得好趕咁架喇 ~
是日晚餐 - 栗子燜雞翼 + 蕃茄紅蘿蔔粟米瘦肉湯
栗子燜雞翼 - 媽咪特登煮比我架 唔怪得係都要過黎飲茶 咁可以順便拎埋 d 餸比我 工人又對我好好 一見到 d 嘢重 d 就即幫我拎 咁其實如果我拎都先拎嘅 ~
蕃茄紅蘿蔔粟米瘦肉湯 - 今日我仲住買蕃茄薯仔 點知媽咪又會無啦啦買 2 條粟米比我 實在太好喇 我唔駛去街市 哈 ~
搞掂哂就沖涼 之後睇電視喇 呢期會追 " 老表 你好 hea " 因為依家香港咁嘅環境 實在想笑下 relax 下 ~
媽咪話係哥倫比亞嘅唔知咩咩果 細細個都要 $60 好貴呀
但真係好清甜 好多汁 d 籽比一般火龍果大粒嘅 後面嘅青提子係家姐買嘅 佢話 $20/磅 佢買咗 $60 不過比 d 媽咪比 d 我 佢得番好小 哈哈 但 d 皮係苦囉
好嘢 又係 11 點幾瞓 ~
沒有留言:
發佈留言