山頂一日遊 + King Ludwig Beerhall @ 尖沙咀 (PART 1/2) ( 22-NOV-2014 )

( 22-NOV-2014  SAT )  Part 1/2

好開心呀   因為里奧大人呢日可以成日陪住我呀 ~

9 點半自然醒   食完早餐就沖涼   11 點就出門口喇 ~

搭地鐵去中環 J2 出口   再行去坐山頂纜車站   都 12 點半 lu   初初仲以為好少人添   點知原來龍尾轉咗喺天橋底 ~

以為龍尾喺呢度呀


原來龍尾喺對面嘅天橋底

今日有啲熱   咁我揹背囊嘛   後面個鄉下話女人係咁撞我背囊幾次   大佬呀   大把位啦    駛唔駛咁心急行呀   之後真係忍唔住怒啤佢   佢個同鄉就醒喇   知道佢撞到我背囊   即刻拉番佢後啲呀 ~

差唔多過馬路去對面售票處   有個職員派咗呢 2 張卡比我哋

我仲以為有得抽獎添   哈哈

1 點 40 分開車   5 分鐘就到山頂 lu ~  

如果張車飛號碼係 17799999 就好啦

到我哋上車嘅時候   車廂已經 Full 哂   所以等下一班  

都幾斜㗎   我覺得好似坐過山車咁   慢慢上到最頂嘅感覺   之後一衝就衝落去咁呢 


買啲手信先   我肥嘛   所以好少買短 Tee   呢件 Tee 都係問里奧大人借㗎咋   因為佢話佢着呢件有啲緊   咁就啱我啦   我唔鍾意啲闊身 Tee   哈哈 

之後去 Burger King 食嘢   估唔到無咩人   實在太好喇   靜好多呢 ~

呢個係華堡   我其實已經同里奧大人講話要 5 號餐芝士煙肉華堡   佢都可以買錯

BK 薯條好味呀

依家幾鍾意玩呢部女朋友 (Lumix)   里奧大人好開心㗎   因為佢想我咩機都玩下   但我一定唔會玩佢部大機   一陣整花咗   真係殺死我都似    

食完出去 Burger King 出面影相   點知凍到呢   企咗 1 分鐘咋   已經有凍到想僵硬嘅感覺   所以影完即走

食完行陣   果時都係 2 點幾   之後里奧大人話 3 點半先開始行   我話早啲講嘛   咁頭先就坐多陣   唔好嘥腳骨力   不過佢話頭先已經講咗喎   咁又好似係嘅 ~   

好好天氣呀   感恩感恩

又唔係好多人咁喎

有好大隻吹氣 Bear   我同里奧大人講話應該比啲人入去碌   佢話唔係呀嘛   

咁睇又真係應該唔係比人入去碌喎   哈哈  

我話不如去麥記食杯雪糕坐一陣先   之後再去埋洗手間就出發 ~

我鍾意行 G.O.D. 

里奧大人知我為食   所以話影呢張相比我喎   哈哈   如果整到咁靚就好 lu

開始行喇 

車身同垃圾桶一樣色   車牌同 Logo 又一樣色   係咪咁啱呀   哈哈


差唔多 4 點開始行    條路超好行   又乾淨   有錢人行嘅路真係唔同啲 ~

里奧大人話 2800M 唔係好長   我話我好快行哂   因為我時速 90 公里   佢話勁呀   快過保特

行喇

其實好好陽光

都有唔少一家大細行

仍都有唔少人帶狗呢

大樹好遮陰

無樹遮住   就當堂光猛哂   呢張影到好似人樣咁呀

小瀑布 

凹凹凸凸好立體咁噃

無公德心

越行越凍   

望住個海   好舒服呀



勁呀呢   左手影完到右手   不過之後 Load 相就煩啦   要 Load 3 部機嘅相   哈哈

狗狗好乖呀   

我覺得好似隻兔仔

咁睇就似一個無頭嘅人   哈哈哈哈   老實講   我覺得幾恐怖   可能有童年陰影啦

望到南丫島

4 點半到亭喇   坐低抖下先   但越坐越凍   里奧大人就周圍影下相  ~

頭先兩隻狗狗呀   因為行出啲會有車經過   所以主人就幫佢哋帶番條狗帶

原來阿伯真係有嘢買   我初初以為佢啲嘢係垃圾嚟添

兩條道咁近嘅   哈哈

都應該好快就行完 lu

佢係一朵花

變身   夜晚見到真係勁勁勁驚囉   

好鍾意見到綠色植物

咩都有   哈哈

我用女朋友影花影得好開心   里奧大人見我鍾意玩都好開心   但部機唔係我家嘛   始終要錫住用   之後我同里奧大人講   叫佢賣比我啦   襯佢果兩秒靜咗   條友肯定諗開咩價啦   我話兩蚊賣比我   佢話送比我好過   佢話諗住我點都會比一百蚊呀   哈哈

4 點 45 分又出發喇   條路真係好好好好行   因為係平路 ~

形狀好得意呀      

我成日覺得無嘢攔住好危險   所以成日拉里奧大人行埋啲   佢話最危險係我拉住佢喎

塊葉向妳 Say Hello

咁就安全喇   哈哈

好陰森咁

我覺得影到里奧大人啲頭髮都係藍色咁   同埋好似 Key 上去咁   哈哈

見到佢哋有啲恐怖   因為當時好大風   佢哋好似 Fing 手叫妳埋嚟咁   哈哈

影呀影

行呀行

原來自己着咗保護色都唔知添

有間屋喺上面   呢度係條樓梯同裝飾


有啲恐怖   哈哈   唔知係咪無咩陽光關係   

入夜喇   要開街燈喇

呢日未完㗎 ^^