長洲一日遊 + 越中意 @ 北角 (PART 1/2) ( 15-NOV-2014 )

( 15-NOV-2014  SAT )

今朝同里奧大人 9 點 15 分都自然醒咗 lu   去太興食早餐   今日天氣唔錯   可以去南丫島行山喇 ~

食完就番屋企沖涼   11 點半出發   坐 619 再轉 307   差唔多 12 點半到碼頭   但去南丫島要 1 點 05 分先開   但去長洲就 12 點 45 分開喇   所以轉場去長洲喇   其實我本身都想去長洲多 d   因為想行小長城呀 ~

今次居然有 d 暈船浪   雖然坐快船只係半個鐘   快就快   不過好 "浪"   所以有 d 想嘔   勁驚呀   好在 me 埋眼聽下歌好 d ~

估唔到長洲唔係咁多人   實在太好喇   因為次次黎長洲都好鬼多人呢 ~

喺長洲見到 d 渡假屋   都有好多回憶架

天氣好好呀   非常之感恩呢

紅葉 ?!   有個男人好搞笑   見住佢望完里奧大人又望我   望完我又望里奧大人   最後都係叫里奧大人幫佢同屋企人喺呢度影張相   咩先  拎細機先係 pro 呀   嘩哈哈哈   里奧大人幫人影相又係好認真架   仲一定要影 2-3 張   如果同我影仲勁   要攞哂角度架   行左 3 步   行前 4 步咁   不過其實佢係最鍾意偷影   哈

woo   原來都已經 1 點 15 分喇   里奧大人話可以去食嘢   勁 ~

勁想食芒果糯米糍   但 $9/個   我同里奧大人講話貴呀   唔好買喇   之後佢即比錢買比我食   幾咁快手呀   不過佢地就咁比張紙巾包住架咋   如果唔小心跌落地就慘 lu   

個皮都煙韌   不過個皮好薄   對我黎講就無咩口感   好似食緊芒果咁囉 

椒鹽鮮魷 - ok 啦   不過最後都食唔哂   因為我好飽

豉椒炒蜆 - 已經叫加辣   但無味嘅 

小炒皇 - 我唔係想食呢 d 小炒皇囉

蒜蓉蒸扇貝 ( 送 ) - d 蒜蓉勁好味呀

椒絲腐乳炒通菜 ( 送 ) - ok 啦

藍妹啤酒 ( 大 ) - 里奧大人問我飲唔飲   飲就叫大支喎   嚇啦   我話飲小小咋喎   即係幾啖咁囉   我唔太好啤酒家嘛 

所有嘢齊哂   但其實張枱都唔夠位擺囉

我地叫 3 款

原來 3 款係送扇貝同炒菜   我仲以為仲扇貝一樣添

都好多人食架   所以試下呢間囉   

食完都 2 點半   出發去小長城喇   咁去 OK 買定枝茶先   唔係一陣脫水就慘   咁問埋職員點去小長城啦   佢話行條好斜嘅樓梯就見到   比佢咁講完   里奧大人就驚我唔掂啦   不過我話我行過丹霞山之後   都 ok 行到嘅   同埋我依家好鍾意行路   唔怕呢 ~   

我好鍾意睇聖誕嘢架   見到紅紅綠綠好鬼開心呢   衰里奧大人話我着呢件衫好似監犯

好耐無坐呢 d 單車   記得果時同同學一齊踩大怪獸    因為我地揀 d 唔平嘅路踩   之後反車   好在無事咋    

路牌指示清晰   唔會行錯啩

但唔可以比我見太多   我會好亂   嘩哈哈哈

經過遊樂場   但見 d "小朋友" 都幾大個咁噃 @@

見到酒店就知點行 lu   因為直路一條   哈

原來紮哂馬影相   我初初以為個女人隻右手放喺後面架   再睇真 d   原來係袋黎嘅

我影到個女仔好唔開心咁

都係里奧大人影得好 d   哈哈

用女朋友影架   成日唔記得可以 zoom 黎影   次次都係里奧大人提醒

繼續行   見到南丫島喎

回程仍然見佢坐喺度釣魚   pat pat 唔痛嘅咩 ?!

好重架   見佢地拎得都幾吃力   

差唔多到 "小長城" 喇


好在有人行咋   如果得我同里奧大人兩個行   真係驚架 


其實都唔係好斜啫

好似栱橋   仍都似魔爪   里奧大人同 8卦成日話經過我把口都無好嘢   嘩哈哈

里奧大人話上網 d 人話見到個亭就係到咗小長城   真係小 d 眼力都唔得呀   哈

真的嗎 ?!?!


再睇清楚點行先   不過係里奧大人睇啦   佢好驚好驚我帶路架   嘩哈哈哈哈

開始行喇

跟住唔會錯啦

想睇呢 d 石

其實 d 時間點 count 嘅呢 

行喇又   有扶手就最好啦   安全 d 嘛   

行下影下

喂 ~~~~~~~~

影張相先 ~~~~

呢個男人坐得好危險   我睇住佢擒出去坐架   幾驚佢跳落去自殺呀   坐喺度睇真係正好多咩 ?!?!

我以為係男人黎架

里奧大人影咗呢張   係咩石呢 ?!

umm   唯有三分形象   七分想像啦

卧貓石

唔知呢個係咩石

仍都唔知呢舊係咩石   我覺得好似女人挨住個男人好恩愛咁   哈哈

呢日未完架