( 20-NOV-2014 THU )
今朝里奧大人上大陸 所以佢早起身 我就瞓到 9 點醒咗 呢排都係瞓到 9 點左右就醒 咁都好 我唔想咁遲起身 唔係一陣番工要 7 點半起身 會有 d 唔慣呢 哈 ~
落去食早餐 咁我多數一落樓就開電話 一開收到糟糟 whatsapp 話宜蘭 1:46 am 發生黎克特制 4.8 級地震 地震咗 2 次 幸好無人命傷亡 咁都嚇暈我啦 ~
買完早餐就坐低 即用 Viber 打比家姐 不過無人聽 因為佢同朋友 share wifi 如果佢朋友唔 share 佢都無得用嘛 我比佢激死 一早叫佢買張電話卡家嘛 之後我個人開始勁驚 眼淚不停係咁流 再打比家姐同姐夫香港嘅手提電話 都預咗係留言 好在家姐比咗行程表比我 咁有司機電話 喊住打比里奧大人叫佢幫我打比司機 嚇到佢以為咩事呀 好感恩家姐 9 點 45 分打黎 可能佢收到我 whatsapp 叫佢打比我 之後佢聽到我把喊聲 佢反而好驚咁問咗 2 次我做咩喊 哈 ~
終於放下心頭大石喇 不過之後個頭就有 d 痛囉 食完諗住喺條街行幾個圈 但條街好鬼凍呀 要入番商場行呢 ~
請勿觸摸 ?! 唔準摸玻璃 ?!
媽咪同工人差唔多 12 點先到 原來佢地去牛頭角街市買魚 話好新鮮好靚 又買埋比我 反而我自己入院之前買 d 嘢就無食過 搞嘢 ~
日式煎餃子 - 唔熱嘅
蘿蔔千絲酥
冬葉咸肉糉
風味炸兩腸
煎鴛鴦雙椒
五穀粗糧糕 - 甜甜地好煙韌 好味呀
榴槤布甸 - 都有唔小榴槤肉 唔錯架 原來我今年都無食過榴槤 無計啦 想買嘅時候又無阿姐喺度 我唔識揀嘛 到想買嘅時候 又得番好大個果 d 喎 唔想夾硬食 所以情願唔買 lu
飲到 2 點 送埋媽咪坐車 再番屋企擺低 d 嘢就出去行下喇 因為好鬼飽 ~
3 點番到屋企就飲肉汁 之後 load 相 5 點半搞掂 即去滾湯喇 ~
好感恩里奧大人 5 點半準時放工 咁番到屋企都要 8 點架喇 所以我都沖涼先 等埋佢先一齊食 因為仲未餓 哈 ~
是日懶餐 - 栗子燜雞 + 蕃茄薯仔粟米瘦肉湯
栗子燜雞 - 媽咪整架 媽咪話比較淡味 所以我自己再加小小蠔油同老抽 咁就好味好多呢 ~
蕃茄薯仔粟米瘦肉湯 - 終於清哂 d 嘢喇 因為成日想煲呢個湯 但媽咪又煲咗湯比我 佢買比我嘅嘢都要排住隊食 何況我自己買果 d 呢 ~
等里奧大人沖完涼先食生果 我覺得沖完涼之後食生果好舒服 可能食完之後唔駛趕住洗嘢 哈 ~
媽咪買架 好甜又好香木瓜味呀
里奧大人今晚 10 點瞓喇 反而我差唔多 12 點先瞓 ~
沒有留言:
發佈留言